Զարմանալի տնային կենդանիներ. ծովախոզուկ (Տեսանյութ)

Շատերը չեն ցանկանում կամ ժամանակ չունեն շատ ժամանակ հատկացնել տնային կենդանիներին: Հենց նրանց համար են ծովախոզուկները:

Ծովախոզուկները պահանջկոտ չեն: Ընդամենը չճորս ժամ հատկացնեք նրանց խնամքին ամբողջ շաբաթվա ընթացքում եւ նրանք շատ գոհ եւ երջանիկ կլինեն:

Կերակրման համար կենդանուն պետք է հիշեք օրվա ընթացքում ընդամենը երկու կամ երեք անգամ:

Ծովախոզուկները սիրում են մաքուր օդ եւ մաքուր բույն: Այնպես որ, աշխատեք, որ բույնը լինի մաքուր եւ ոչ փոքր:

3-4 օրը մեկ զննեք ծովախոզուկին: Ուշադիր եղեք, որ մորթու մեջ պարզաիտներ չհայտնվեն կամ հիվանդագին նշաններ չլինեն մաշքկի վրա:  

Ցանկալի է, որ 3-4 օրը մեկ սանրեք նրա մորթին, բայց շատ նուրբ եւ զգուշորեն:

Շաբաթը մեկ բույնը կամ վանդակը մաքրեք եւ կարգի բերեք:

Ի դեպ, ծովախոզուկը հրաշալի տնային կենդանի է 7-10 տարեկան երեխաների համար:

Հիշեք, ծովախոզուկները մրսկան են եւ մեծ տարածք են սիրում: Իսկ սննդում քմահաճ չեն: Սիրում են գազար, կաղամբ, վարսակ: Նրանք խոտակեր են, եւ երբեք կենդանական ծագմամբ սնունդ նրանց չտաք: Նրանց չափից ավելի շատ մի կերակրեք: Ամեն ինչ չափի մեջ:

Մեկ կարեւոր հանգամանք եւս: Նրանք ջուր շատ են սիրում: Նրանց վանդակում միշտ պետք է մաքուր եւ թարմ ջուր լինի: Չմոռանաք նաեւ վանդակում կավիճ դնել: Իհարկե, չմոռանալով կանաչեղենի մասին:

Ծովախոզուկները սնվում են խոտով եւ ձմռանը, եւ ամռանը:Բացի դրանից նրանք հատիկեղեն են ուտում, որոնք վաճառվում են հատուկ խանութներում:Դրանցում կան նաեւ հատուկ կոմբինացված խառնուրդներ:Խոտն ու հատիկեղենը պետք է պարտադիր լինեն վանդակի ներսում,բացի դրանցից որպես երրորդ կեր տալիս են նաեւ ավելի հյութեղ սնունդ` հազար, հասունացած գազար, խնձոր եւ այլն:Քաղցր մրգերն ու հատապրուղները ավելի լավ է տալ փոքր բաժիններով:Նրանց օրգանիզմի առանձնահատկությունը նրանում է, որ վիտամին C չի արտադրում, դրա պակասը նա լրացնում է հյութալի կերերի միջոցով:Տանը պահվող ծովախոզուկին կարելի է տալ վարսակ,ցորեն, եգիպտացորեն, սիսեռ:Նրանք խոտակեր են եւ կենդանական ծագումով կերը նրանց հակացուցված է:

Ծովախոզուկները շատ գեղեցիկ ու հանգիստ կենդանիներ են:Նրանց կարելի է, դնել ծնկներին, շոյել, որի ժամանակ նրանք հաճելի ձայն են հանում:Նրանց կարելի է սովորեցնել իրենց անվանը արձագանքել:Ուսումնասիրեք նրանց եւ դուք ավելի կկապվեք այդ հանգիստ ու սիրունիկ կենդանիների հետ:

Չմոռանաք գյուղ կամ ամառանոց գնալուց նրան վերցնել ձեր հետ: ծավախոզուկներն ակտիվ հանգիստ շատ են սիրում: Նրանք սիրում են նաեւ տիրոջ ձեռքի ջերմությունը եւ այդ ժամանակ արձակում են տարատեսակ ձայներ:

Top-News.am