Համալսարանական խուժան աղջիկները կայֆավատից հետո մեղադրել են դասախոսներին եւ ...

Դասերի փոխարեն գինի են խմել եւ ծխել

Լոմոնոսովի անվան Մոսկվայի պետական համալսարանի բանասիրական ֆակուլտետի մի խումբ ուսանողուհիներ հայտարարել են, որ սեռական շահագործման եւ հետապնդման են ենթարկվել դասախոսների կողմից: Այս մասին նրանք հայտնել են ուսանողների կողմից հիմնադրված Doxa ամսագրին, որից հետո այն մեծ աղմուկ է առաջացրել եւ արձագանք գտել:

Դարյան արդեն ավարտել է համալսարանը եւ հայտնել, որ սեռական հետապնդման է ենթարկվել 2017-ին, երբ 17 տարեկան էր: Նա պնդում է, որ դասախոսներից մեկը նրա հետ նամակագրություն է սկսել: Սկզբից խոսել են դասերից, ապա սահուն անցում կատարել ավելի անձնական թեմաների:

Ցավոք, հիմա, երբ բոլորը մեղադրում են դասախոսներին, որեւէ մեկը չէր հարցնում, թե Դարյային ով էր ստիպում այդ թեմաները քննարկել դասախոսի հետ:

Դարյան պնդում է, որ մի անգամ, երբ դասերից հետո մնացել են լրացուցիչ պարապմունքի, դասախոսն առաջարկել է գինի խմել: Աղջիկները չափից դուրս շատ են խմել եւ դասախոսը նրանց առաջարկել է տուն ճանապրհել, բայց պրոֆեսորը նրանց իր տուն է տարել:

«Երբ իջանք տրամվայից ես չէի հասկանում, թե որտեղ եմ, բայց հաստատ մի տեղ գնում էինք: Ես հարցրի՝ ուր ենք գնում: Նա ծիծաղեց եւ ասաց՝ իհարկե, ինձ մոտ: Ես կանգնեցի եւ հայտնեցի, որ նման մտադրություն չունեմ, որից հետո նա առաջարկեց, որ ինձ հիմարի տեղ չդնեմ: Վիճեցինք, ես փորձեցի գտնել մետրոպոլիտենի կայարանը, եւ այստեղ նա փոխվեց, ասաց, որ գիշերը չի կարելի միայնակ ինչ-որ տեղ գնալ, այն էլ հարբած»,- պատմել է նախկին ուսանողուհին: 

Երբ ես հրաժարվեցի գնալ իր տուն, նա հրաժարվեց ինձ անհատական պարապմունքների վերցնել;

Նույն «մոլագար» դասախոսը հետաքրքրություն է ցուցաբերել համալսարանը 2015-ին ավարտած մեկ այլ ուսանողուհու՝ Ռիտայի նկատմամբ: Նա ասել է, որ պրոֆեսորի սենյակում մի խումբ ուսանողուհիների հետ միասին վարժություններ գրելու հետ մեկտեղ սուրճ են խմել եւ ծխել:

Իսկ մի անգամ դասախոսն առաջարկել է պարապմունք անցկացնել բարում: «Անհարմար էր հրաժարվել եւ մենք գնացինք: Չեմ ասի ինչից էինք խոսում, բայց հաստատ վարժություններ չէինք լուծում: Իհարկե, ոչինչ էլ մեր մեջ չի եղել»,- ասել է Ռիտան, բայց միեւնույն ժամանակ նույն դասախոսին մեղադրում են ամենածանր հանցանքի մեջ:

Իհարկե, նրա ամենամեծ մեղքն այն է եղել, որ քննություններից մեկի ժամանակ աղջիկներին անբավարար է նշանակել:

2018-ի շրջանավարտներից մեկն էլ պնդում , թե մեկ այլ դասախոս բոլորի ներկայությամբ մի քանի անգամ ցանկացել է իրեն համբուրել, բայց չի ստացվել: 

Ճիշտ է դասախոսի անունը չի հրապարակվել, բայց Սերգեյ Կնյազեւն ասել է, թե խոսքն իր մասին է, եւ որ ինքը կապեր ունեցել է ուսանողուհիների հետ, բայց դրանք եղել են կամավոր եւ ոչ պարտադրված: Այսուհանդերձ, նա աշխատանքից հեռանալու դիմում է գրել:

Իհարկե, կան ուսանողուհիներ, որոնք պաշտպանում են Կնյազեւին, ասելով, որ նա հրաշալի մասնագետ է եւ երբեք մոլագարությամբ աչքի չի ընկել, բայց դա արդեն կարեւոր չէ: Կարեւորն այն է, որ դասախոսի անունն ամբողջ Ռուիսաստանով մեկ վարկաբեկված է մի խումբ աղջիկների կողմից, որոնց հաստատ հանգիստ չի տալիս հոլիվուդյան այն դերասանուհիների փառքը, որոնք հանկարծ իրար հետեւից հիշեցին, որ պրոդյուսեր Վայնշտեյնն իրենց սեռական բռնության եւ հետապնդման է ենթարկվել:

Սրանք սովորական անմեղ քայլեր չեն: Այսպես համակարգ է կոտրվում, այսպես այլ, շատ այլ կարեւոր հարցեր են լուծում: Վարկաբեկված դասախոսը աշխատանք չունի, իսկ նրա հետ զվարճացած աղջիկներից դիպլոմները հաստատ հետ չեն պահանջելու:

Top-News.am