Սվիտալսկին հստակ պատասխան տվեց Շարմազանովին եւ մյուսներին
«Ուրախ եմ, որ հայերը շատ լավ հասկանում են, որ Հայաստանի ինքնիշխանությանն սպառնացող վտանգները այլ տեղ են թաքնված և ոչ մեր բարեկամական աջակցության մեջ», - այսօր հայտարարեց Եվրամիության պատվիրակության ղեկավար, դեսպան Պյոտր Սվիտալսկին՝ արձագանքելով Հայաստանի իշխանության ներկայացուցիչների անցած շաբաթ հնչեցրած մեկնաբանություններին, թե ԵՄ դեսպանը փորձ է կատարել միջամտելու Հայաստանի ներքին քաղաքական հարցերին։
«Ես ինքս այնպիսի երկրից եմ, որը շատ զգայուն է չմիջամտելու և ինքնիշխանությանը վերաբերող հարցերում, մենք ապրում ենք փոխկապակցված աշխարհում, մենք պետք է ընդունենք, որ կան մեխանիզմներ, կոնվենցիաներ, պայմանագրեր, աշխատանքային պայմանավորվածություններ, որոնք մյուսներին հնարավորություն են տալիս արտահայտելու իրենց կարծիքն այն մասին, թե ինչ է կատարվում այս կամ այլ երկրում։ Եվ ես շատ ուրախ եմ, որ հայերը իրենց սփյուռքի, կոսմոպոլիտ աշխարհայացքի շնորհիվ շատ լավ հասկանում են, որ ինքնիշխանությանն սպառնացող վտանգները այլ տեղ են թաքնված և ոչ մեր բարեկամական աջակցության մեջ», - ասաց Սվիտալսկին:
Հայաստանի ընտրական գործընթացների վերաբերյալ Եվրամիության դեսպանը անցած շաբաթ խիստ գնահատական էր հնչեցրել՝ առաջարկելով փոփոխել Կենտրոնական ընտրական հանձնաժողովի կազմը, այն քաղհասարակության ներկայացուցիչների ընդգրկմամբ դարձնել «արժանահավատ», խոսել էր իրավապահ համակարգի անկախության պակասից, անդրադարձել ռեյտինգային համակարգի արդյունավետությանը:
Արդեն այսօր դեսպան Սվիտալսկին ընդգծեց, որ անցյալ շաբաթվա համաժողովին իր «բարեկամական ոգով հնչեցրած կարծիքում» որևէ նորություն չի եղել, և նույն տեսակետները ԵՄ-ն հայտնել է նախորդ հայտարարություններում, աշխատանքային հաղորդակցություններում և դիտորդների, այդ թվում՝ Եվրոպական պառլամենտի, պաշտոնական գնահատականներում։
«Հարցեր կան, որոնց վերաբերյալ Եվրամիությունը ոչ միայն իրավունք ունի, այլև պարտավոր է խոսել, և մենք միշտ դա անում ենք, որովհետև մեր հայ գործընկերները ընդունել են որոշակի պայմանավորվածություններ մեր ներգրավվածության վերաբերալ։ Շատ հարցեր բխում են Հայաստանի և Եվրամիության միջև ստորագրված ֆինանսավորման համաձայնագրերից։ Ի՞նչ է սա նշանակում. երբ երկու կողմերի միջև կա պայմանագրային պայմանավորվածություն, ոչ միայն մեր իրավունքն է որպես պայմանագրի կողմ, այլև իմ պարտավորությունն է խոսել դրա մասին։ Այդ շրջանակի հարցերից են, օրինակ, կոռուպցիայի դեմ պայքարը, մարդու իրավունքների, օրենքի գերակայության հարցերը», - շեշտեց Հայաստանում Եվրամիության դեսպանը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են