Ինչպես խուսափել մահանալուց կորոնավիրուսային ինֆեկցիայի դեպքում. հայտնում են գիտնականները

COVID-19 կորոնավիրուսային ինֆեկցիայի վաղ փուլում իմունային համակարգի ժամանակավոր ճնշումը կօգնի խուսափել ծանր ախտանիշներից եւ կանխել ցիտոկինային փոթորկի հետեւանքով մահը: Այսպիսի եզրակացություն են կատարել Հարավային Կալիֆոռնիայի համալսարանի գիտնականները, հաղորդում է Journal of Medical Virology ամսագիրը:

Հետազոտողները մաթեմատիկական մոդելավորման միջոցով ցույց են տվել, որ օրգանիզմի երկու պաշտպանական համակարգերի միջեւ փոխազդեցությունը կարող է բերել իմունային համակարգի ծանրաբեռնվածության:

Օրգանիզմում հայտնված վիրուսի դեմ պայքարին առաջինը միանում է բնածին իմունիտետը: Առաջին ախտանիշներից մի քանի օր հետո ակտիվանում է ադապտիվային իմունիտետը, որը գործարկում է Т եւ B բջիջները:

Օրինակ՝ գրիպով վարակվելու դեպքում բնածին իմունային պատասխանը գրեթե բոլոր վիրուսային մասնիկները ոչնչացնում է մինչեւ ադապտիվային համակարգը կսկսի գործել: Իսկ COVID-19-ը ավելի դանդաղ է զարգանում, քան գրիպը, ինչի հետեւանքով ադապտիվային իմունիտետը կարող է բնածին իմունիտետին խանգարել ինֆեկցիան ավելի արագ հաղթահարել: Արդյունքում կարող է զարգանալ չափից ավելի մեծ պաշտպանական ռեակցիա, որը կոչվում է ցիտոկինային փոթորիկ:

Երկու իմունային համակարգերի փոխազդեցությամբ կարելի է բացատրել նաեւ այն, թե ինչու են պացիենտները տեսանելի բարելավում զգում, որից հետո տեղի է ունենում ավելի ծանր ախտանիշներով սրացում:

Գիտնականների կարծիքով՝ որոշակի իմունոսուպրեսորների (իմունիտետը ճնշող դեղամիջոցներ) կարճաժամկետ կիրառումը կարող է զսպել ադապտիվային իմունիտետը եւ դրանով իսկ նպաստել վիրուսի ավելի արագ ոչնչացմանը:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել