Լվացքն էլ ձեռքով արեք, ի՞նչ կլինի. «Իմ քայլը» խմբակցության պատգամավոր

Ասում են՝ լվացքս մնացել է լվացքի մեքենայի մեջ, ո՞նց անեմ, դու էլ հանի ձեռքվ լվա, ի՞նչ կլինի։ Այս մասին այսօր՝ ապրիլի 28–ին, 1in.am-ի հետ զրույցում ասել է ԱԺ «Իմ քայլը» խմբակցության պատգամավոր Հովիկ Աղազարյանը՝ պատասխանելով լրագրողի այն դիտարկմանը, որ երեկվանից սկսել են հոսանքազրկվել այն քաղաքացիները, որոնք չեն կարողացել, որոնք չեն կարողացել վճարել նախորդ ամսվա պարտքը եւ արդյոք մտահոգություն կա՞, որ բունտ կհասունանա։

«Սոցիալական բունտ չի լինի այն պարզ պատճառով, որ նրանք, որոնք իրապես գտնվում են դժվար նյութատեխնիկական, ֆինանսական վիճակում, նրանց պետությունը, անկասկած, ձեռք մեկնելու է։ Միգուցե թերացումներ կան, ինչ որ մարդիկ դուրս են մնացել այդ շրջանակներից, նրանց նկատմամբ օգնություն ցուցաբերվելու է։ Փաստը մնում է փաստ, որ լիքը մարդիկ էլ շահարկում են։ Այսօր մի բնակարան էին ցույց տալիս, լավ կահավորված, տեխնիկայով, ամեն ինչով եւ հոսանքազրկել էին։ Բա պիտի հոսանքազրկեին, եթե դու հնարավորությւոն ես ունեցել 100 հազարի գազ և հոսանք օգտագործել, ապա պիտի հնարավորություն ունենայիր նույնիսկ այս դժվար պայմաններում դա մարեիր։ Նմանների ֆոնի վրա հետին պլան են մղվում այն մադրիկ, որոնք իսկապես տարբեր պատճառնեով գտնվում են ծանր սոցիալակն վիճակում։ Նրանք ովքեր հոսանք եւ գազ են օգտագործել մինիմումի մակարդակում, նրանց մոտ անջատումներ չպետք է լինեն ոչ մի պարագայում, ընդհուպ եթե Գազպրոմը–ը եւ ՀԷՑ–ը եթե ժամանակ չտան, պետությունն իմ կարծիքով իր վրա պետք է վերցնի այս ծախսերը»,–ասաց պատգամավորը։

Հարցին թե, կառավարության ձեռնարկած ծրագրերը՝ ճգնաժամը լկանխելու վերաբերյալ, որքանո՞վ են բավարար, արդյոք առաջիկայում նոր ծրագրեր կառաջարկվե՞ն, քանի որ քաղաքացիներն նշում են, որ այդ ծրագրերից, իրենց բաժին չի հասել, Աղազարյանը պատասխանեց. «Ծրագրերն անընդհատ լրամշակվում են, ճշգրտումներ են տեղի ունենում։ Կարծում եմ եւս 1 ամիս մոտավորապես այս ռեժիմով պետք է ապրենք եւ կյանքը պետք է մտնի նորմալ հունի մեջ»։