ՌԴ-ում ծեծի են ենթարկել կորոնավիրուսի անալիզ վերցնելու նպատակով եկած բուժաշխատողին (Տեսանյութ)
Կիրովո-Չեպեցկի շրջանում անհայտ անձինք ծեծի են ենթարկել կորոնավիրուսի անալիզ վերցնելու նպատակով ժամանած շտապօգնության բուժանձնակազմին: Տեսագրությունը հրապարակվել է «Подъем» Տելեգրամ-ալիքում:
Հրապարակված կադրերում երևում է, թե ինչպես են տղամարդիկ հարձակվում բուժաշխատողի վրա և հարվածում նրան: Կարճ ժամանակ անց նրանց են միանում նաև երկու այլ տղամարդիկ:
Lenta.ru-ի փոխանցմամբ՝ տուժածի ծանոթը պատմել է միջադեպի մանրամասների մասին՝ նշելով, որ տղամարդիկ մոտեցել են շտապօգնության մեքենային, թակել պատուհանը, ապա հարցրել բուժաշխատողներին, թե ում տուն են գնացել: «Բժիշկը չի պատասխանել նրանց հարցերին և նրան մեքենայից դուրս են հանել ու ծեծի ենթարկել»,- նշել է տուժածի ծանոթը:
Ռուսաստանի ՆԳՆ տարածաշրջանային վարչությունից հայտնում են, որ դեպքը տեղի է ունեցել շաբաթ օրը` ապրիլի 18-ին, Ռուսաստան պողոտայի թիվ 16 տան բակում: Նշվում է, որ երկու հարձակվողները, գտնվելով ալկոհոլի ազդեցության տակ, առանց որևէ պատճառի ծեծել են բժշկին և մեքենայի վարորդին, այնուհետև թաքնվել դեպքի վայրից:
Արդյունքում՝ բժիշկը ստացել է ուղեղի ցնցում, կրծքավանդակի և դեմքի կապտուկներ: Ոստիկանությունը պարզում է միջադեպի մասնակիցների ինքնությունը:
Հայկական ֆուտբոլում հասունանում է իրավական նոր սկանդալ
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Դեպի ԵՄ երկրներ արտահանման ծավալն աճել է
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Սերգեյ Բագրատյանին երեք օրով չվճարվող արձակուրդ է տրամադրվել
ԱՄՆ տարածաշրջանից «պատվով դուրս գալու» ելք է փնտրում․ Իրանի խորհրդարանի խոսնակ
Վրաերթի են ենարկվել զինծառայողներ, մեկը մահացել է
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...
Սուրեն Պապիկյանն անակնկալ ստուգայցեր է իրականացնում ՊՆ զորամասերում