Կիևի օդը դարձել է ամենաաղտոտվածը աշխարհում. IQ Air

 Մեկ օրվա ընթացքում, ապրիլի 10-ին Ուկրաինայի մայրաքաղաք Կիևում գրանցվել է օդի աղտոտվածության ամենաբարձր մակարդակը` 159 միավոր, ինչի պատճառով քաղաքը գլխավորել է աշխարհում մթնոլորտի ամենամեծ աղտոտվածության մակարդակը ունեցող քաղաքների ցուցակը: Այս մասին տեղեկացնում է korrespondent.net կայքը` հղում տալով ցուցակը կազմող IQ Air կազմակերպությանը, որը զբաղվում է օդի աղտոտվածության և այդ խնդիրը լուծելու աշխատանքներով:

Ցուցակում Ուկրաինայի մայրաքաղաքին օդի աղտոտվածության ցուցանիշով հաջորդել են Հանոյ քաղաքը Վիետնամում և ինդոնեզական Ջակարտան:

Կիևի ներկայիս դիրքը ցուցակում, ի տարբերություն «մրցակիցների», այնքան կապված չէ արդյունաբերական կամ տրանսպորտային աղտոտման, որքան ծխի ու այրման աղտոտման հետ, վերջին օրերին քաղաքն ընկղմվել է ծխի մեջ: Եթե նայենք նույն ցուցակին անցյալ տարվա տվյալներով, Կիևը զբաղեցնում էր 1111-րդ տեղը, իսկ օդի աղտոտվածությունը գնահատվում էր 10 անգամ ավելի պակաս, քան ապրիլի 10-ին: