Մոսկվայում անցագրային ռեժիմ կսահմանվի. РИА Новости

ՌԴ մայրաքաղաք Մոսկվայում հաջորդ շաբաթ անցագրային ռեժիմ կսահմանվի։ Այս մասին հայտնում է РИА Новости-ն՝ վկայակոչելով քաղաքապետ Սերգեյ Սոբյանինի հայտարարությունը:

Մոսկվայի քաղաքապետի խոսքով՝ անցագրային ռեժիմը կգործի փուլերով. նախ այն սահմանված կլինի աշխատանքի գնալու համար, ապա` այլ նպատակների, իսկ երրորդ փուլում` անհրաժեշտության դեպքում շրջանների ներսում տեղաշարժվելու համար:

Նշվում է, որ ժամկետների վերաբերյալ հավելյալ կհաղորդվի։

Սոբյանինն ընդգծել է, որ այս նախաձեռնությունը համաձայնեցված է երկրի ղեկավարության հետ: Քաղաքային իշխանությունները իրավունք են ունենալու ստուգել անցագրեր ստանալու համար քաղաքացիների տրամադրած տվյալների հավաստիությունը:

Քաղաքապետի խոսքով՝ Մոսկվայում կորոնավիրուսի տարածման հետ կապված իրավիճակը երկուշաբթի օրվանից վատթարանում է. ավելանում է վարակված անձանց թիվը: