Ինչպիսի՞ սննդակարգը կարող է օգնել կանխել կոտրվածքները ծերության ժամանակ
Սննդակարգի եւ մարզումների միջոցով հնարավոր է արգելակել հորմոնալ եւ տարիքային փոփոխությունները, որոնք նպաստում են տարիքին զուգահեռ ոսկրային խտության նվազմանը, պնդում է իսպանացի սննդաբան Սուսանա Լեոնը:
Տարիքին զուգահեռ ոսկորները պակաս խիտ են դառնում եւ ավելի արագ են կոտրվում: Այս խնդիրն ավելի հաճախ հանդիպում է կանանց մոտ, քանի որ նրանց մոտ այս գործընթացը խթանվում է էստրոգենի մակարդակի իջեցմամբ դաշտանադադարի ժամանակ:
Սուսանա Լեոնը խորհուրդ է տալիս պարբերաբար դիմադրությամբ վարժություններ անել (հեծանիվը եւս տեղին է) եւ սննդակարգում ներառել վիտամին D պարունակող մթերքները: Այս վիտամինը պատասխանատու է կալցիումի յուրացման համար:
Այդպես, ոսկորների համար օգտակար է բնական շաքարազերծված կաթնամթերքը, մասնավորապես` յոգուրտը: Դրանում կա եւ կալցիում, եւ վիտամին D: Ձուն վիտամին D-ի, սպիտակուցի եւ A, E, D, B12, B6, B2, B1 վիտամինների եւ ֆոլաթթուների եւս մեկ լավ աղբյուր է: Առաջարկվում է օրական մեկ ձու ուտել:
Պահածոյացված մթերքների շարքում հարկ է ուշադրություն դարձնել ձկնամթերքի վրա, օրինակ ՝ ձիթապտղի յուղով սարդինայի կամ թունայի: Այսպիսի մթերքներում կարելի է կալցիում, վիտամին D, օմեգա-3 ճարպաթթուներ եւ սպիտակուցներ գտնել:
Ոսկորների համար, բուսական մթերքների մեջ առաջին տեղում են ծաղկակաղամբը, ոլոռը, նուշը եւ ավոկադոն:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Սահարայի ավազները սպիտակել են