Հայաստանը բարեկամ երկիր է համարում ռուսաստանցիների միայն 12 տոկոսը

Ռուսաստանցիների միայն 12 տոկոսն է Հայաստանը համարում բարեկամական երկիր: Այս մասին է վկայում ռուսաստանյան «Левада-центр»-ի անցկացրած ուսումնասիրությունները:

Պարզվում է ռուսաստանցիների 46 տոկոսը որպես բարեկամ տեսնում է Բելառուսին: Չինաստանին բարեկամ են համարում ռուսաստանցիների 39, իսկ Ղազախստանին՝ 34 տոկոսը:

Հայաստանը զիջում է անգամ Սիրիային եւ Հնդկաստանին: Ի դեպ, ռուսաստանցիների 9 տոկոսը Ադրբեջանին համարում են բարեկամ պետություն:

Ըստ ռուսաստանցիների, ավելի ճիշտ նրանց 69 տոկոսի, Ռուսաստանի թիվ մեկ թշնամին Միացյալ Նահանգներն է: Իսկ ահա 50 տոկոսը թշնամի է համարում Ուկրաինային: Հարցման համաձայն, ՌԴ քաղաքացիների 24 տոկոսը թշնամի է համարում նաեւ Գերմանիային: 

Ռուսաստանցիների կարծիքով իրենց նկատմամբ թշնամաբար են տրամադրված նաեւ Լատվիան, Լիտվան, Լեհաստանը, Էստոնիան, Մեծ Բրիտանիան, Վրաստանը եւ Ֆրանսիան:

Ի դեպ, ռուսաստանցիների 21 տոկոսը կարծում է, որ վերջին ժամանակահատվածում ՌԴ-ԱՄՆ հարաբերությունները շարժվում են դրական ուղղությամբ, իսկ 17 տոկոսը հակառակ կարծիքին են:

Top-News.am