Աշխարհի ամենաուժեղ թիմը՝ Մադրիդի «Ռեալ» (Լուսանկարներ)

Մադրիդի «Ռեալը» երկրորդ տարին անընդմեջ Զինեդին Զիդանի գլխավորությամբ նվաճեց Չեմպիոնների լիգայի գավաթը: Նախկինում ոչ մի թիմի չէր հաջողվել երկու անգամ անընդմեջ նվաճել այս մրցանակը:

Իսկ եզրափակիչում Մադրիդի եւ աշխարհի ուժեղագույն թիմը՝ «Ռեալը» 4:1հաշվով պարզապես քարուքանդ արեց Թուրինի «Յուվենտուսին»: Ի դեպ, արքայական ակումբը մեկ խաղում Բուֆոնին ավելի շատ գոլ խփեց, քան «Յուվենտուսը» բաց էր թողել ամբողջ մրցաշարի ընթացքում:

20-րդ րոպեին գեղեցիկ գրոհից եւ Կարվախալի հիասքանչ փոխանցումից հետո Ռոնալդուն բացեց հաշիվը, խփելով Չեմպիոնների լիգայում «Ռեալի» 500-րդ գոլը:

Յոթ րոպե անց Մարիո Մանջուկիչը հրաշալի հարվածով հավասարեցրեց հաշիվը:

Երկրորդ խաղակեսում «Յուվենտուսը» կարծես մոռացել էր, որ պետք է պայքարել, իսկ «Ռեալը» իսկական ներկայացում բեմականացրեց: Հրաշալի խաղ, հրաշալի գոլեր:

61-րդ րոպեին Կազեմիրոն տրամաբանական ավարտին հասսցրեց երկարուձիգ գրոհը:

Երեք րոպե անց Մոդրիչի հիասքանչ խաղից եւ փոխանցումից հետո Ռոնալդուն հաշիվը դարձրեց 3:1:

Խաղի վերջակետը դրեց Ասենսիոն, որը Մարսելոյի գեղեցկագույն անցումից հետո խելացի հարվածով հաշիվը դարձրեց 4:1:

Այս թեմայով Անչելոտի․ Աննախադեպ բան տեղի ունեցավ Մրցավարը «Ռեալից» գողացավ հաղթանակը «Ռեալը» հաղթահարում է վնասվածքների դժվար փուլը Ռոնալդուի ընկերուհին նոր լուսանկար է հրապարակել Ջորջինա Ռոդրիգեսը նոր լուսանկար է հրապարակել Ռոնալդուի ու երեխաների հետ լողավազանից