Դատավոր Աննա Դանիբեկյանը՝ տեսնելով, թե ինչ եղավ Դավիթ Գրիգորյանի հետ, իր հետեւություններ արել է. Լեւոն Քոչարյան
Ռոբերտ Քոչարյանի որդին՝ Լեւոն Քոչարյանը չի կիսում իր հոր պաշտպանների լավատեսությունը, որ այս անգամ դատավոր Աննա Դանիբեկյանը կարող է դադարեցնել քրեական հետապնդումը Ռոբերտ Քոչարյանի նկատմամբ:
«Ես այնքան էլ չեմ կիսում նրանց լավատեսությունը, քանի որ դատավոր Դանիբեկյանն այն դատավորն է, որ անտեսել է ՍԴ որոշումը եւ դրանից հետո ես որեւէ ակնկալիք չունեմ, որ նա կիրականացնի արդարադատություն»,-դատարանի բակում լրագրողների հետ զրույցում ասաց Լեւոն Քոչարյանը:
Նա ընդգծեց, որ բամիզցս հնչել են սպառնալիքի կոչեր իշխանության կողմից, վարչապետի կողմից. «Փաստացի դրանց ենթարկվել է այն դատավորը, որ դատարանից ազատ է արձակել՝ Դավիթ Գրիգորյանը: Նրա լիազորությունները կասեցվել են: Հիմա դատավոր Դանիբեկյանը՝ տեսնելով այդ օրինակները, իր հետեւություններ արել է: Այն, ինչ իշխանությունն ուզեցել է, իրեն տեղ հասել է, դրա համար տեսնում ենք վերջին ամիսներին նրա կայացրած որոշումները: Եսո չունեմ հույս, որ նա, ի վերջո, կիրականացնի արդարադատություն»:
Անդրադառնալով նրան, որ ՀՀ նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը եւ Արցախի նախկին վարչապետ Անուշավան Դանիելյանը մտադիր են անձնական երաշխավորություն ներկայացնել Ռոբերտ Քոչարյանի համար, արդյոք Քոչարյանի կողմն է նրանց դիմել այդ խնդրանքով, Լեւոն Քոչարյանն արձագանքեց, որ դրանով զբաղվել է հանձնախումբը, ի դեմս Աղվան Վարդանյանի. «Ես լավ չեմ տիրապետում, թե դիմվել է, քանի հոգու է դիմվել: Այդ հարցերին ավելի լավ ինքը կպատասխանի»:
Երեկ հայտնի է դարձել, որ Հայաստանի նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը եւ Արցախի նախկին վարչապետ Անուշավան Դանիելյանը մտադիր են անձնական երաշխավորություն ներկայացնել Ռոբերտ Քոչարյանի համար:
Ավելի վաղ նրա համար երաշխավորել են Արցախի գործող եւ նախկին նախագահները: Առաջին ատյանի դատարանի որոշումը բեկանվել էր Վերաքննիչ դատարանում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել