«Իրանի հետ անցակետերը փակ չեն». Ադրբեջանի մաքսային կոմիտե

Ադրբեջանի պետական մաքսային կոմիտեն կորոնավիրուսի պատճառով ուժեղացրել է հսկողությունն Իրանի հետ սահմանին: Այս մասին տեղեկացնում է minval.az կայքը:

Կոմիտեից տեղեկացրել են, որ «անցակետերը փակ չեն, բայց այնտեղ հատուկ հսկողություն է սահմանվել»:

«Իրանական կողմից սահմանը հատող անձինք ստուգման հատուկ գործընթաց են անցնում` առանց վարչական շենք մտնելու: Նրանց ջերմությունը չափվում է դյուրակիր ջերմաչափերով: Բացի այդ, հերթապահության են ներգրավվել շտապօգնության բրիգադներ, որոնք շուրջօրյա հերթապահություն են իրականացնում սահմանին»,-ասված է կոմիտեի հայտարարության մեջ:

Իրանում կորոնավիրուսով վարակվելու հաստատված դեպքերի ընդհանուր թիվը հասել է 43-ի, որից 8-ը` մահացու ելքով:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

Վերջին օրերին ամբողջ աշխարհում մարդիկ խուճապի են մատնվել սրընթաց տարածվող մահացու կորոնավիրուսի պատճառով: Հիվանդների ու զոհերի թիվն օրեցօր ավելանում է, իսկ վարակման դեպքեր են արձանագրվել նաև Չինաստանից դուրս մի շարք երկրներում, ինչը հանգեցրել է համաշխարհային խուճապի:

Այս թեմայով Թեհրանի դիրքորոշումը մնում է անփոփոխ. Բաղայի Իրանը մահապատժի է ենթարկել հունվարյան զանգվածային անկարգությունների ևս երկու մասնակցի Իրանը հայտնել է, որ ԱՄՆ-ն ու Իսրայելը հարձակվել են բժշկական պարագաներ տեղափոխող քաղաքացիական ինքնաթիռի վրա Հորմուզի նեղուցով անցումը կլինի վճարովի. Իրանը նոր օրենք է սահմանել ԻՀՊԿ-ն հաստատել է Ալիռեզա Թանգսիրիի մահը