Մեթյու Բրայզան առաջարկում է ԵԱՀԿ ՄԽ-ում Ֆրանսիան փոխարինել ԵՄ-ով

Ղարաբաղյան հակամարտության կարգավորման հարցում առաջընթաց գրանցելու համար անհրաժեշտ է բանակցությունների ավելի բարձր մակարդակ՝ ԵԱՀԿ Մինսկի խմբի համանախագահ երկրների ատրգործնախարարների և նախագահների մասնկացությամբ: Այս մասին հայտարարեց ԵԱՀԿ Մինսկի խմբի նախկին համանախագահ, Ադրբեջանում ԱՄՆ դեսպան Մեթյու Բրայզան:
Նրա կարծիքով, ԱՄՆ և Ռուսաստանի նախագահները կարող են որոշիչ դերակատարություն ունենալ կարգավորման հարցում:
Բրայզան հիշեցրեց, որ բանակցային գործընթացի շրջանակ գոյություն ունեն, այսպես կոչված, Մադրիդյան փաստաթուղթն է, սակայն գործընթացն այդպես էլ առաջ չի շարժվում:
«Անհրաժեշտ են արտաքին խաղացողներ, երրորդ երկրների առաջնորդներ, որոնք կհավաքվեն և կասեն՝ «Եկել է ժամանակը: Ստանձնեք կարգավորման շրջանակները, որոնք գոյություն ունեն այսքան տարի և պայմանավորվեք, ավարտեք բանակցությունները»», - ասաց նա ադրբեջանական «Report»-ին տված հարցազրույցում:
Մեկնաբանելով ԵԱՀԿ ՄԽ համանախագահ երկրների կազմը, Բրայզան հայտարարեց, որ նրա կարծիքով, «ԱՄՆ-ն ու Ռուսաստանն անհրաժեշտ են որպես ԵԱՀԿ ՄԽ համանախագահ երկրներ»:
«Լավ կլիներ, եթե երրորդը լիներ Եվրամիությունը, դա ավելի լավ է, քան երբ համանախագահ երկիր է լինում ինչ-որ առանձին պետություն: ԵՄ-ն ուժեղ է, այն միասնական խումբ է միջազգային քաղաքականության մեջ, այնպես որ կարծում եմ դա իմաստ ունի», - ասաց նա:
Zham.am