Կենդանաբանական այգի ուզում են կարմիր պանդա, ընձուղտ, պինգվին բերել, աբսուրդ է․ Սիլվա Ադամյան
Երևանի կենդանաբանական այգում առկա խնդիրներին մասնագիտական մոտեցում չի ցուցաբերվել։ Այս մասին այսօր՝ փետրվարի 7-ին, լրագրողների հետ հանդիպմանն ասաց «Թռչունների կենտրոն» ՀԿ տնօրեն Սիլվա Ադամյանը։
«Վերջին մեկ տարվա ընթացքում լուրջ խնդիրներ առաջացան կենդանաբանական այգու հետ կապված։ Կենդանիների անկման հետ կապված խնդրին լուրջ ընթացք չտրվեց։ Անընդհատ խնդիրն անձնավորվում էր, մասնագիտական մոտեցում չէր տրվում այդ խնդիրներին։ Երբ զեբրայի անկումը եղավ, և կենդանաբանական այգու տնօրինությունը ահազանգեց, որ թունավորում է եղել, ապա որոշակի լաբորատոր տվյալներով հաստատվեց, ոչ մեկը չգնաց խնդրի ետևից, ոչ մեկ չասեց, թե որտեղից է այդ թունավորումը գալիս, ովքեր են մեղավորները։ Կենդանաբանական այգու տնօրինությունն ինքնակամ հեռացավ՝ խնդիրները թողնելով բաց։ Այնինչ տնօրինությունը չպետք է նահանջեր և ծագած խնդիրները ջրի երես հանեին»,- նշեց նա։
Ադամյանի խոսքով՝ այսօր այդ խնդիրները փորձում են ծածկել և նոր էջից սկսել ամեն ինչ․ «Այդ նոր էջից սկսելը տեսանք ինչի բերեց, որովհետև արդեն 1 ուղտի անկում է եղել, իսկ որ խնդիրները շարունակական են լինելու, դրա մեջ ոչ մեկը չի կասկածում»։
Նա հայտնեց, որ իրենց տվյալներով ցանկացել են կարմիր պանդայի բերել Երևանի կենդանաբանական յագի․ «Կենդանաբանական այգու տնօրինությունը ժամանակին դիմել էր Մոսկվայից կարմիր պանդա ձեռք բերելու համար, սակայն Մոսկվայի կենդանաբանական այգին մերժել է, որովհետև մեր կենդանաբանական այգին այս պահին պատրաստ չէ այդ պանդային պահելու։ Նոր տնօրինությունը էլի բանակցությունների մեջ է մտել և փորձում է ոչ լեգալ ճանապարհով պանդային բերել, ինչպես նաև ուզում են ընձուղտ, պինգվին բերել։ Սա աբսուրդ է»։
Ադամյանը նշեց, որ երեկ եղել է հանդիպում Երևանի քաղաքապետարանում, որտեղ հանդիպել են գիտնականներ և հասարակական գործիչներ․ «Հանդիպումը կազմակերպել է քաղաքապետարանը նոր տնօրինության հետ, որի ժամանակ ասվեց, որ այգին գնում է այն ճանապարհով, որ տեղական տեսակներ պահվեն, բայց ես ասում եմ տվյալներ, որոնք չեն համապատասխանում ասվածին։ Գիտական խորհուրդ է ստեղծվելու այգում, գիտնականներն իրենց պատրաստակամությունը հայտնեցին օգնել այգուն, բայց կան լուրջ խնդիրներ, մասնագիտական կազմի պակաս կա այգում, ես էլ ասեցի, որ եթե այգու տնօրինությունը կարծում է, որ խորհուրդը իրենց փոխարեն պետք է աշխատի, իրենք չարաչար սխալվում են»։
Հունիսի 7-ը Մեր 2-րդ Անկախության Հանրաքվեն Է
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Հեռուստատեսային ալիքների հեռարձակումը ժամանակավորապես կդադարեցվի