«Մենք դժոխքի միջով անցանք». Թրամփը Սենատի կողմից արդարացվելուց հետո Սպիտակ տանը տոնել է իր հաղթանակը
Միացյալ Նահանգների նախագահ Դոնալդ Թրամփը Սենատի կողմից արդարացվելուց հետո իր աջակիցների հետ Սպիտակ տանը տոնել է այդ իրադարձությունը, հայտնում է bbc.com-ը՝ մանրամասնելով, որ նախագահն իրեն պաշտոնանկ անելու գործընթացը «դժոխք» է բնորոշել:
«Իհարկե, կյանքումս սխալներ գործել եմ, ընդունում եմ, սակայն սա վերջնական արդյունքն է»,-ասել է Թրամփն ու ձեռքում պահած թերթը վեր պարզել. թերթի գլխավոր շապիկին գրված է եղել «Թրամփն արդարացված է»:
«Մենք ոչ արդարացիորեն անցանք դժոխքի միջով: Մենք ոչ մի վատ բան չենք արել: Դա չարիք էր, դա կոռուպցիա էր»,- Ներկայացուցիչների պալատի անդամների նախաձեռնությամբ սկսված պաշտոնանկության գործընթացի մասին շարունակել է խոսել Թրամփը:
Նախագահը, ոգևորված Սենատի որոշմամբ, հավելել է. «Հիմա մենք մի հրաշալի բառակապակցություն ունենք, երբեք չէի մտածի, որ այն այսքան լավ կհնչի: Այն կոչվում է՝ «ամբողջական արդարացում»:
Թրամփը հավելել է, որ «կատարվածն ուղղակի անհեթեթություն էր, որ երբևէ որևէ նախագահի հետ չպետք է պատահի»:
Աղբյուրը նկատում է, որ Թրամփն իր աջակիցների հետ արդարացումը տոնել է մոտ մեկ ժամ և այդ ընթացքում անընդհատ ինքն իրեն շնորհավորել է, ինքն իրեն արդարացրել, խղճացել, ինչպես նաև զուգահեռ վիրավորանքներ հնչեցրել քաղաքական մրցակիցների հասցեին:
Հիշեցնենք, որ դեկտեմբերին Ներկայացուցիչների պալատը նախագահին մեղավոր էր ճանաչել պաշտոնական դիրքի չարաշահման ու Կոնգրեսի աշխատանքին խոչընդոտելու համար: Այնուհետև գործընթացը շարունակվել էր Սենատում, որտեղ մեծամասնություն են կազմում նախագահի կուսակիցները: Երկու շաբաթ տևած քննությունից հետո Սենատը նախագահին արդարացրել է:
Հունիսի 7-ը Մեր 2-րդ Անկախության Հանրաքվեն Է
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Մենք գլուխ ենք խոնարհում զոհերի հիշատակի առջև և մեր համերաշխությունն ենք հայտնում հայ ժողովրդին. Չեխ...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ
Հեռուստատեսային ալիքների հեռարձակումը ժամանակավորապես կդադարեցվի