Սաուդյան Արաբիայից աղջկան հալածել են բիկինիով անկեղծ լուսանկարի համար

Աղջիկը, որը Սաուդյան Արաբիայից Կանադա է տեղափոխվել, Twitter-ում բիկինիով անկեղծ լուսանկար է տեղադրել եւ քննադատությունների տարափի տակ է հայտնվել, գրում է Lenta-ն՝ հղում անելով The Sun-ին։

2019թ․ հունվարին 19-ամյա Ռախաֆ Մուհամմեդ Ալ Կունունին Կանադայում ապաստան են տվել այն բանից հետո, երբ նա բողոքել է Սաուդյան Արաբիայում ապրող իր հարազատներից, որոնք դաժան են վերաբերվել իր հետ։ Մեկ տարի անց նա Twitter-ում երկու լուսանկար է տեղադրել։ Առաջինում աղջիկը նիկաբով է, իսկ երկրոդում՝ բաց լողազգեստով նստած է լողափին։ «Նախկինում ինձ ստիպում էին կրել այս սեւ սավանները եւ ենթարկվել տղամարդկանց։ Այժմ ես ազատ եմ»,- գրառում էր արել նա։

Սաուդյան Արաբիայից Twitter-ի օգտատերերը փորձել են հալածել նրան արտաքին տեսքի համար։ Շատերն ասել են, թե նա մերկ է իրեն ցուցադրել։ «Ես անկեղծորեն խղճում եմ քեզ,- գրել է նրանցից մեկը,- Կանայք Սաուդյան Արաբիայում նորմալ երջանիկ կյանք ունեն։ Նրանք ավտոմեքենա են վարում, շոփինգի են գնում, իսկ վերջերս նույնիսկ կարող են մենակ ճանապարհորդել»։

«Հերիք է անհեթեթություններ գրես, դրանք հեռու են իրականությունից։ Ոչ ոք չի ստիպել քեզ նիկաբ կրել»,- տարակուսել է մեկ ուրիշը։ «Կարծում ես ազատ լինելը նշանակում է հագուստ չկրե՞լ»,- հետաքրքրվել է երրորդը։