Ալիևը վիրավորված է. Ադրբեջանը չի կատարի ԵԽ-ի պահանջները
Ադրբեջանը չի կատարի Եվրոպական Խորհրդի պահանջները: Այս մասին Թուրքիայի արտգործնախարար Մևլութ Չավուշօղլուի հետ հանդիպման ժամանակ հայտարարել է Ադրբեջանի նախագահ Իլհամ Ալիեւը, հայտնում են ադրբեջանական ԶԼՄ-ները:
«Անցած ամիս Եվրախորհրդի Խորհրդարանական վեհաժողովի նիստին թուրքական պատվիրակությունն ամբողջ կազմով աջակցեց Ադրբեջանի արդար դատին` հերթական անգամ սոլիդարություն ցուցաբերելով: Նրանք եւս մեկ անգամ ցույց տվեցին, որ ճշմարտության եւ արդարության կողմն են: Ադրբեջանի պատվիրակությունը, իր հերթին, միշտ աջակցում է Թուրքիային»,- հայտարարել է Ալիեւը:
«Մենք ձեզ հետ միասին` որպես ԵԽԽՎ-ում աշխատած մարդիկ, լավ գիտենք այս կազմակերպությունը: Ցավոք, 20 տարի շարունակ այս կազմակերպությունն Ադրբեջանին որպես թիրախ է ընտրում, իսկ Թուրքիային՝ ավելի երկար ժամանակ: Ես հիշում եմ, թե ինչպես ԵԽԽՎ-ում իմ գործունեության հենց սկզբում` որպես ադրբեջանական պատվիրակության ղեկավար, իմ առաջին քայլը եղավ թուրքական պատվիրակության հետ հանդիպման կազմակերպումը: Մենք հանդիպեցինք հենց առաջին օրը և պայմանավորվեցինք, որ միշտ բոլոր հարցերում աջակցելու ենք միմյանց: Դժբախտաբար, ես կարծում եմ, որ այս ժամանակահատվածում ԵԽ-ում քայքայման գործընթաց է ընթանում, այս կազմակերպությունը կորցնում է իր նշանակությունը միջազգային մակարդակում, այն չի կարող ազդել աշխարհում տեղի ունեցող գործընթացների վրա: Կազմակերպության ազդեցությունը ցածր է, և դրա հիմնական պատճառը պատրվակն է, երկակի ստանդարտներն ու անարդարությունը»,- շեշտել է պետության ղեկավարը: Կազմակերպության ազդեցությունը ցածր մակարդակի վրա է, և դրա հիմնական պատճառը կեղծավորությունն է, երկակի ստանդարտներն ու անարդարությունը»,- ասել է Ալիեւը: Ադրբեջանի ախագահի խոսքով` ադրբեջանցի ժողովուրդը վաղուց կորցրել է այս կազմակերպության վրա դրված հույսը: Իլհամ Ալիեւը հավելել է, որ 20 տարի շարունակ այս կազմակերպությունը տարբեր քաղաքական պատվերներ է կատարում, և Ադրբեջանը ընտրվել է որպես թիրախ, Ադրբեջանի մասին սուտ և զրպարտություն են տարածում:
«Նրանք Ադրբեջանը ներկայացնում են որպես հետամնաց երկիր, չեն նշում Ադրբեջանում տեղի ունեցող դրական գործընթացները: Նրանք փորձում են Ադրբեջանի վրա սև ներկ քսել, իբր Ադրբեջանում խոչընդոտներ են ստեղծվում ժողովրդավարական գործընթացների համար: Այս ամենը սուտ է: Ադրբեջանում քաղբանտարկյալներ չկան, մենք դա լավ գիտենք: Իսկ այն երկրները, որտեղ կան քաղբանտարկյալներ, ուշադրությունից դուրս են մնում: Ես կարող եմ որպես օրինակ բերել Հայաստանը: Հայաստանի նախկին նախագահն ավելի քան մեկ տարի է ձերբակալված է: Այս նախագահը, այն բանից հետո, երբ հայտարարեց, որ ինքը կզբաղվի քաղաքականությամբ, ձերբակալվեց և ավելի քան մեկ տարի է գտնվում է բանտում: Նրա դեմ քրեական գործ է հարուցվել, և, ըստ լրատվամիջոցների տարածած տեղեկատվության, նրա գործն ուղարկվել է դատարան: Իսկ այս ամենի հիմնական պատճառը նախկին նախագահի քննադատությունն է գործող իշխանության հասցեին: Հայաստանում լրագրողների են ձերբակալում: Իմ ստացած տեղեկությունների համաձայն` վերջերս ձերբակալվել է լրատվական մարմիններից մեկի ղեկավարը: Մի քանի ամիս առաջ մի լրագրող հացադուլ էր հայտարարել և մահացել բանտում: Սակայն այս փաստերից ոչ մեկը չի նշվել ԵԽ-ի կողմից: Ինչո՞ւ: Ինչո՞ւ է Հայաստանի նկատմամբ մի վերաբերմքունք ցուցաբերվում, իսկ Ադրբեջանի և Թուրքիայի նկատմամբ` այլ: Մենք լավ գիտենք այս հարցի պատասխանը, եւ ես եւս մեկ անգամ ուզում են նշել, որ լավ կլիներ, եթե Եվրախորհուրդը զբաղվեր այս հարցերով: Թող ԵԽ-ն ուշադրություն դարձնի Եվրոպայի առաջադեմ երկրներում ոստիկանության դաժանություններին և բռնություններին, մարդկանց սպանություններին, թող քննադատի այդ երկրներին և այդ երկրների իրավապահ մարմիններին: Մենք այդ մասին չենք լսում, չնայած հեռուստացույցով տեսնում ենք: Կարելի է ասել, որ Եվրոպայի առաջադեմ մայրաքաղաքներում մարդկանց պարբերաբար ծեծում ու վիրավորում են, նրանց սպանում են, աչքերն են հանում, թունավորում են շներով եւ ոտնատակ տալիս ձիերով: Իբր սա ժողովրդավարություն է: Եվ երբ այդ մասին ասում ենք, իսկ ես շատ դեպքերում այդ մասին բացահայտ ասում են Եվրոպայից եկած ու մեզ քննադատել ցանկացող մարդկանց, նրանք չեն պատասխանում, լռում են: Բայց հենց իմ աշխատասենյակից դուրս են գալիս, կրկին շարունակում են իրենց գործունեությունը, ցանկանում են մեզ սեւացնել: Մենք Թուրքիայի հետ պայքարում ենք այնպես, ինչպես ձեզ հետ միասին միշտ պայքարել ենք»,- ասել է Ալիեւը:
«Ադրբեջանի հետ կապված վերջին բանաձեւի ընդունումը ոչ մի նշանակություն չունի, որի արժեքը թղթի կտորից ավելին չէ: Մենք չենք ընդունում այնտեղ հնչած հորինված մեղադրանքներից ոչ մեկը եւ չենք կատարի դրանց, այսպես կոչված, պահանջները: Մեր գործը ճիշտ է: Հիմա Թուրքիան համաշխարհային մասշտաբով ուժի կենտրոն է, եւ մենք դրա համար անչափ ուրախ ենք: Թուրքիայի բոլոր հաջողությունները մեզ համար շատ կարեւոր են, դրանք մեզ ոգեշնչում են: Մենք միասին մեծ գործեր ենք արել եւ մշտապես եղել ենք ճշմարտության ու արդարության կողմում: Վստահ եմ, որ այսուհետ եւս այդպես կլինի: Ոչ մի օտար ուժ չի կարող Թուրքիայի եւ Ադրբեջանի վրա ճնշում գործադրել: Մենք երկու եղբայրական երկրներ ենք եւ ապագայում ընթանալու ենք եղբայրության, բարեկամության, անկախության ճանապարհով»,- ասել է Ադրբեջանի նախագահը:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԱՄՆ-ի գործողությունները Հորմուզի նեղուցում փակուղի են. Արաղչի
ԵՔՀ 8-րդ գագաթնաժողովի բացման արարողությունը Երևանում. ուղիղ