500 մլն դոլար. ԱՄՆ-ի ամենաթանկարժեք տունը վաճառքի կհանվի (լուսանկարներ, տեսանյութ)

Լոս Անջելեսի Բել Էյր էլիտար թաղամասում գտնվող շքեղ առանձնատունը, որը համարվում է ԱՄՆ-ի ամենաթանկարժեք տունը, վաճառքի կհանվի կես միլիարդ դոլարով:

Ինչպես նշում է dailymail.co.uk-ը, առանձնատունն ունի գիշերային ակումբ, գեղեցկության սրահ, 20 ննջասենյակ, մի քանի լողավազան, 5 վերելակ, 45 հոգու համար նախատեսված կինոդահլիճ, մեծ ավտոտնակ, ինչպես նաև դեպի Խաղաղ օվկիանոս բացվող հրաշալի տեսարան:

The One կոչվող առանձնատունը կառուցվել է նախկին կինոպրոդյուսեր Նիլ Նիամի նախաձեռնությամբ: Նա անշարժ գույքը համեմատել է Դա Վինչիի աշխարհահռչակ «Մոնա Լիզա» կտավի հետ՝ ընդգծելով, որ այսպիսի հազվագյուտ անշարժ գույք ունեցողը կարող է ցանկացած բան ուզել դրա դիմաց:

Նա հավելել է, որ առանձնատունը գտնվում է դերասանուհի Ջենիֆեր Էնիսթոնի և միլիարդատեր Իլոն Մասկի տների հարևանությամբ: