Արդեն երկրաշարժն էլ է ֆեյք Հայաստանում

Այսօր՝ ժամը 20-ին մոտ, «911»-ը ահազանգ է ստացել «Դալմա մոլից», որ այնտեղ իբր ինչ-որ ցնցումներ են զգացվում, «Ազատությանն» ասել է արտակարգ իրավիճակների նախարար Ֆելիքս Ցոլակյանը:

«Մեր սեյսմիկ կայանները ոչ մի բան չեն գրանցել, և երկրաշարժի մասին տեղեկություն չկա: Մարդկանց ասել էին, թե իբր այդպիսի բան է եղել: Հիմա մեր աշխատակիցները գտնվում են տեղում: Ցնցումներ չկան այս պահին, բայց ցնցումներ որպես այդպիսին չեն էլ եղել, այլ ինչ-որ փոքր շարժ է նկատվել, ասենք պարֆյումերիայի որևէ տուփի շարժ է նկատվել խանութի մի շարքի վրա», - մանրամասնել է նախարարը:

Նա հայտնեց նաև, որ ԱԻՆ աշխատակիցները տեղում կուսումնասիրեն, կպարզեն, թե ինչի մասին է խոսքը. - «Ուղղակի մարդկանց տարհանել են, որպեսզի հանկարծ որևէ բան չլինի: Որևէ բան չունենք, երկրաշարժ և այլն, կեղծ լուրեր են, անհանգստանալու խնդիր չկա»:

Նշենք, որ լրատվամիջոցներում լուրեր էին տարածվել, որ երկրաշարժի վտանգի ահազանգով «Դալմա մոլից» մարդկանց տարհանում են:

Լուրեր Հայաստանից - NEWS.am