6G ցանց. Նոր սահման, եթե աշխարհը կարողանա լուծել այն օգտագործելու կերպը

Հարավային Կորեայից մինչեւ Չինաստան տեխնիկային գամված օգտատերերը 5G կայծակնային արագության համացանցի համը զգացին ընդամենը մի քանի ամիս առաջ, հայտնում է South China Morning Post-ը:

Չինաստանում եւ ամբողջ աշխարհում տեխնոլոգիական ընկերությունները եւ հետազոտական կենտրոններն արդեն ուսումնասիրում են 6G-ն՝ ինտերնետ-ցանցերի հաջորդ սերունդը: Որոշ գնահատականներով՝ վեցերորդ սերնդի բջջային ցանցերը զարգացնելու են վայրկյանում մինչեւ մեկ տերաբայթ արագություն: Սա 100 անգամ ավելի է, քան նույնիսկ գոյություն ունեցող լավագույն տեխնոլոգիաների մոտ է, բայց, ինչպես սպասվում է, այս ցանցի ծավալումը տասնամյակներ կտեւի:

Տեխնոլոգիայի վրա գերակայության մրցավազքում մրցակիցները ստիպված կլինեն պայքարել աշխարհաքաղաքական լարվածության դեմ եւ հստակ որոշել, թե այն ինչպես է կիրառվելու:

Մինչ 6G-ն մշակման վաղ փուլում է, 5G տեխնոլոգիան արդեն Չինաստանի եւ Միացյալ Նահանգների միջեւ առեւտրային լարվածության հիմնական աղբյուներից մեկն է, քանի որ պաշտպանական համակարգերը ներառում են առաջատար անլար տեխնոլոգիաներ:

Չինական Huawei տեխնոլոգիական հսկան, որը 5G սարքավորումների առաջատար համաշխարհային արտադրողներից մեկն է, ԱՄՆ կողմից մեղադրվել է, որ անվտանգությանը սպառնալիք է ներկայացնում: Huawei-ն քանիցս հերքել է մեղադրանքները եւ հայտարարել, որ արդեն հետազոտում է 6G ցանցերը:

Չինաստանը նաեւ տեխնոլոգիաների վրա աշխատում է ազգային մակարդակում՝ մասնագետների թիմ կազմավորելով համալսարաններից, վերլուծական կենտրոններից եւ մասնավոր ընկերություններից՝ դրա զարգացումը վերահսկելու համար:

Չինաստանի արդյունաբերության եւ տեղեկատվական տեխնոլոգիաների նախարարության (մի քանի այլ նախարարությունների մասնակցությամբ) առաջ քաշած նախաձեռնությունը «ամուր գիտական հիմք կստեղծի հեռահաղորդակցային ոլորտի զարգացման համար», հայտարարել է Չինաստանի գիտության եւ տեխնոլոգիաների հարցերով փոխնախարար Վան Սին:

Բայց հեռահաղորդակցային ոլորտի փորձագետներն ասում են, որ 6G հավելվածները ամենեւին անվիճելի չեն:

«Իրական պատասխանն այն է, որ մենք չգիտենք: Մենք ուղղակի կարող ենք կռահումներ կատարել»,- ասել է «3G4G»-ի գլխավոր վերլուծաբան Զահիդ Գադիալին:

Գադիալին, որը մասնագիտացած է հեռահաղորդակցային ցանցերի ուղղությամբ, կարծում է, որ շատ բան կախված կլինի 5G զանցերի ծավալումից եւ այն բանից, թե արդյոք դրանք մեծ թվով սպառողների կգրավեն: «Սրանից ելնելով՝ մենք կարող ենք սկսել ծրագրել, թե էլի ինչ կարող ենք անել 6G-ի հետ կապված»,- ասել է նա:

China Telecom-ի գլխավոր տեխնիկական տնօրեն Բի Ցին կանխատեսում է 6G-ի ավելի կոնկրետ պոտենցիալ օգտագործում: «Անկախ GPS ունեցող ավտոմեքենա, հեծանիվ վարելուց կամ քայլելուց՝ 6G-ն ամբողջությամբ ինտեգրվել է հոլոգրաֆիկ պատկերներին,- «Սինհուայի» փոխանցմամբ՝ ասել է նա: - Դուք կարիք չեք ունենա գլուխը կախել եւ նայել հեռախոսին: Ձեր աչքերի առջեւ կպրոյեկտվի հոլոգրաֆիկ 3D քարտեզը»:

Հետազոտողների կարծիքով՝ տեխնիկական խոչընդոտները, ինչպիսին են մեծ թողունակութամբ էլեկտրամագնիսական ալիքների փոխանցումը, որոնք հնարավոր են դարձնում ինտերնետի ավելի բարձր արագությունը, պետք է հաղթահարվեն, նախքան 6G-ի իրականություն դառնալը:

Համալսարանի գիտաշխատող Օուլու Հե Ջիգուանգը նշել է, որ այնպիսի երկրներում անցկացվող հետազոտությունները, ինչպիսին են Չինաստանը եւ Հարավային Կորեան, եւ այնպիսի ընկերություններում, ինչպիսին Huawei-ն է, վաղ փուլերում են: «Միայն 2-3 տարի հետո կհայտնվեն համապատասխան տեխնոլոգիաները»,- ասել է նա՝ հավելելով, որ ուշադրությունը կարող է կենտրոնանալ այնպիսի հնարավորությունների վրա, ինչպիսին են բժշկական գործողությունները հեռահար սարքերի օգտագործմամբ, որոնք միմյանց հետ փոխգործակցում են:

Բայց հաջորդ սերնդի հեռահաղորդակցային տեխնոլոգիաներն ինչպիսին էլ լինեն, դա կարեւոր կլինի աշխարհաքաղաքականության տեսակետից, կարծում է Վաշինգտոնի Նոր ամերիկյան անվտանգության կենտրոնի գիտաշխատակից Մարտեյն Ռասերը:

«5G-ի ստեղծման գործում Չինաստանի ագրեսիվ առաջընթացը դարձավ տագնապահարույց ազդանշան եւ մյուս երկրներին դրդեց ավելի սեւեռուն ուշադրություն դարձնել, թե ինչ է լինելու 5G-ից հետո»,- ասել է նա: «6G-ն տեխնոլոգիական այլ ոլորտների հետ միասին, ինչպիսին են արհեստական ինտելեկտը եւ քվանտային հաշվողական տեխնիկան, առաջիկա տասնամյակներին կլինեն Չինաստանի հետ մրցակցության կենտրոնում»: