Հունվարի 14-ից Microsoft-ը կհրաժարվի Windows 7 օպերացիոն համակարգը աջակցելուց

Հունվարի 14-ից Microsoft-ը կհրաժարվի Windows 7 օպերացիոն համակարգը աջակցելուց, օգտատերերը 10 օր ժամանակ ունեն ՕՀ-ն փոխելու համար, քանի որ Windows 7-ի թարմացումը կդադարեցվի եւ այլեւս չի համապատասխանի անվտանգության անհրաժեշտ մակարդակին:

«Ռիա Նովոստի»-ն հայտնում է, որ Windows 7-ը մշակվել է ավելի քան 10 տարի առաջ միանգամայն այլ կիբեռսպառնալիքի մակարդակի պարագայում: Նոր տեխնոլոգիաների հայտնվելը ՕՀ-ն վերանայելու անհրաժեշտություն է առաջացրել, ուստի Windows-ի տասներորդ տարբերակը ստեղծելիս առաջնային է կիբեռսպառնալիքներից պաշտպանությունը, նշել են մամուլի ծառայությունում:

«Microsoft-ն իր ուժերը կենտրոնացնելու է հատկապես Windows 10-ի վերջնամշակման ու արդիականացման վրա»,- հայտարարել են Microsoft-ում:

Ընկերությունում նշել են, որ աջակցության բացակայության պայմաններում Windows 7-ի պաշտպանվածությունը հարցականի տակ կհայտնվի, նրա օգտատերերը վտանգված են դառնալու կիբեռհանցագործների համար «հասանելի որս»: