Նորվեգիայում անբնական շոգ է

Նորվեգիայի արեւմուտքում անսովոր տաք է հունվարի համար։ Ամենաբարձր ջերմաստիճանը գրանցվել է Սունդալսոր գյուղում։ Օդն այնտեղ տաքացել է մինչեւ Ցելսիուսի +19 աստիճան, ինչը 25 աստիճանով բարձր է հունվարի միջին ջերմաստիճանից, տեղեկացնում է BBC-ն։

Օդերեւութաբանների խոսքով՝ սա ամենատաք հունվարն է դիտարկումների ողջ ընթացքում։ «Սա այստեղ տաք եղանակի նոր ռեկորդ է... Մարդիկ այսօր փողոց են դուրս գալիս շապիկներով»,- ասել է քաղաքային օկրուգի ղեկավար Իվոն Ուոլդը։- Այս սեզոնին նրանք սովորաբար դահուկներ են քշում»։

Ջերմաստիճանի բարձրացումն այս վայրերում կապում են ֆյոնի՝ ուժեղ, սրընթաց, տաք եւ չոր քամու հետ, որը լեռներից իջնում է հովիտ։ Սովորաբար ֆյոնը շարունակվում է մեկ օրից էլ քիչ, բայց պատահում է, որ տաք քամին փչում է մի քանի օր։ Տաք ջերմաստիճանների նախկին ձմեռային ռեկորդներ Նորվեգիայում գրանցվել են նաեւ դեկտեմբերին՝ 18,3С եւ փետրվարին՝ 18,9С։

Բաժանորդագրվեք Top-News.am-ին Telegram-ում