2020-ին «Ղարաբաղյան խնդրի կարգավորումը լինելու է» Ադրբեջանի արտաքին քաղաքական գերատեսչության գլխավոր խնդիրը. Ադրբեջանի ԱԳՆ

2020 թվականին Ղարաբաղյան խնդրի կարգավորումը լինելու է Ադրբեջանի արտաքին քաղաքական գերատեսչության գլխավոր խնդիրը, հայտարարել է արտգործնախարարությունը:

Պաշտոնական հաղորդագրությամբ Բաքուն վերստին պնդել է, թե կարգավորումը տեսնում է միայն Ադրբեջանի տարածքային ամբողջականության շրջանակներում: «Իր առջև դրված նպատակներին հասնելու համար Ադրբեջանի արտգործնախարարությունը կշարունակի իր անկախ քաղաքական կուրսը՝ հիմնվելով «ազգային շահերի և արդարության վրա», - ասված է պաշտոնական հայտարարության մեջ:

Ավելի վաղ երկրի նախագահ Իլհամ Ալիևը հայտարարել էր, թե Բաքվի դիրքորոշումը չի փոխվել. - «Ղարաբաղը պատմական ադրբեջանական հող է, և բոլոր միջազգային նորմերով՝ Ադրբեջանի անքակտելի մասը»:

Բաժանորդագրվեք Top-News.am-ին Telegram-ում