Ճապոնական հետազոտողները հայտնաբերել են ստորջրյա հրաբուխ, որը 3 մլն տարեկան է

Ստորջրյա մանրահատիկ հրաբուխը, որը ճապոնական հետազոտողների կողմից հայտնաբերվել է Մինամիտորի կղզու շրջանում, առաջացել է մոտավորապես 3 միլիոն տարի առաջ, հայտնում է Planet- today-ը՝ հղում կատարելով Sci-News-ին։

Ոչ մեծ հրաբուխները կարող են հայտնվել օվկիանոսագիտական լիտոսֆերային սալիկների վրա՝ հիմնային մագմայի ժայթքման արդյունքում։ Առաջին այդպիսի կառույցները գիտնականները հայտնաբերել են մեկուկես տասնամյակ առաջ՝ Ճապոնական տաշտի շրջանում՝ դա օվկիանոսային իջվածք է, որը գտնվում է ճապոնական Հոնսյու կղզուց արեւելք։

Այժմ ճապոնացի գիտնականների խմբին հաջողվել է բացահայտել եւս մեկ հրաբուխ, որը ձեւավորվել է մոտավորապես երեք միլիոն տարի առաջ։ Հրաբուխը տեղակայված է Խաղաղ օվկիանոսի հյուսիսարեւմտյան Մինամիտորի կղզուց ոչ հեռու։ «Խոսքը ոչ մեծ հրաբխի մասին է, որը տեղակայված է տեկտոնական սալիկի հիմքում։ Ճաքերը հայտնվում են մանտիայի վերին շերտում սալիկի ընկղմմանը զուգահեռ՝ սկզբում սալիկը սկսում է ծռմռվել, այնուհետեւ տեղի է ունենում մագմայի ժայթքում»,- ասում է Հյուսիսարեւմտյան Ասիայի հետազոտական կենտրոնի աշխատակից Նաոտո Խիրանոն։

Մագման, ինչպես հավելել է Խիրանոն, այդպիսի դեպքերում գալիս է աստենոսֆերայից՝ այսպես է կոչվում Երկրի մանտիայի վերին մասը։ Ճապոնացի գիտնականներն ասում են, որ ստորջրյա հրաբուխների ուսումնասիրությունը կօգնի ատենոսֆերայի մասին ավելի շատ տվյալներ հավաքել, ինչպես նաեւ ընդհանրապես ընդլայնել երկրագնդի ընդերքի կառուցվածքի մասին գիտելիքները։