Ակադեմիկոսի կոչումով ռեկտորի պաշտոնակատարը 1937թ.-ի ոգով ուսանող է «կանդալել» տալիս
«Քառյակ մեդիայի» համասեփականատերերից Միհրան Հակոբյանը ֆեյսբուքյան իր էջում գրել է,
«Մի քանի օր առաջ ԵՊՀ բակում անհայտ երիտասարդներ ծեծկռտուք են կազմակերպել՝ օդամղիչ զենքի կիրառմամբ: Ոստիկանները ժամանել են Համալսարան՝ հանցագործությունը բացահայտելու և մեղավորներին գտնելու համար: Նորմալ երևույթ է:
Իսկ հիմա խայտառակության մասին: ԵՊՀ Ուսանողական խորհրդի նախագահ Դավիթ Ափոյանին հենց Ուսանողական խորհրդի աշխատասենյանից ձեռնաշղթաներով բերման են ենթարկում: Դավիթը ծեծկռտուքի մասնակից չէ, ոչ մի կապ չունի ծեծկռտուքի հետ: Դավիթը քսան հազարից ավել ուսանող ունեցող Համալսարանի ուսանողական ինքնակառավարման մարմնի ղեկավարն է: Նրան սկզբում ռեկտորի պաշտոնակատարը հրավիրել է իրավապահների հետ միասին ծեծկռտուքի կադրերը նայելու՝ ակնկալելով, որ Դավիթը կասի, թե ծեծկռտուքի մասնակիցներից ու՞մ է ճանաչում: Եվ քանի որ Դավիթն ասել է, որ չի ճանաչում մասնակիցներից և ոչ մեկին, ձեռնաշղթաներով բերման են ենթարկում՝ սկզբում խուլիգանության մասնակցելու կասկածանքով, իսկ հետո, երբ խայտառակությունն ակնհայտ էր, քննչական մարմնում Դավիթը հայտնվում է արդեն վկայի կարգավիճակով:
Հարցը, բնավ, Դավիթի «քաղմաս ընկնելը» չէ, Դավիթը հո՞ Սորոսի գրասենյակից չի ֆինանսավորվում, որ ձեռպաշղթաներով բերման չենթարկվի: Հարցը նաև այն չէ, որ նույն տրամաբանությամբ կարող էին ձեռնաշղթաներով բերման ենթարկել ԵՊՀ ռեկտորի պաշտոնակատարին, ԿԳՄՍ նախարարին կամ անձամբ նորին գերազանցություն ժողովրդի վարչապետին, որովհետև նրանք էլ այդ ծեծկռտուքի մասնակից չեն և դժվար թե կադրերում ծանոթ մարդ տեսնեին:
Հարցն այն է, որ «Երկիր-Հայկական Ժամանակում» հասել ենք այնտեղ, որ առերևույթ հանցագործության հետ կապ չունեցող մարդը Համալսարանից ձեռնաշղթաներով բերման է ենթարկվում, որովհետև չի ճանաչում առերևույթ հանցագործության մասնակիցներին: Հարցն այն է, որ ԵՊՀ-ում կարող են առերևույթ հանցագործության հետ կապ չունեցող ուսանողի «կանդալել», իսկ ռեկտորի պաշտոնակատարը կամերաների առջև կարող է ասել՝ բան չկա, չէր ուզում ցուցմունք տալ, հիմա կտա, բաց կթողնեն: Հարցն այն է, որ ԵՊՀ ռեկտորի պաշտոնակատար պարոն ակադեմիկոսը ոչ միայն գիտնականի ու մանկավարժի էթիկայի հետ խնդիրներ ունի, այլև պարզ տղամարդկային արժանապատվության: Այսինքն՝ ակադեմիկոսի կոչումով ռեկտորի պաշտոնակատարը 1937թ.-ի տառին և ոգուն համապատասխան ուսանող է «կանդալել» տալիս:
Լավ կլինի, որ ԵՊՀ ռեկտորի պաշտոնակատարը Գիտական խորհրդի հերթական նիստը վարելուց մեկ-մեկ ձախ պատին նայի, որտեղ փակցված են նախկին ռեկտորների նկարները: Թող իրենից ձախ պատին նայի ու տեսնի, թե 1937-ին քանի ռեկտոր է փոխվել ԵՊՀ-ում ու նրանցից քանիսն են ռեժիմի պատվերով մարդ բռնել տվել, հետո իրենք բռնվել»:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...