Թուրք պատգամավորը Մեծամորի ատոմակայանի «վտանգավորության» հարցով դիմել է Թուրքիայի փոխնախագահին
Թուրքիայի ընդդիմադիր Ժողովրդահանրապետական կուսակցությունից պատգամավոր Դենիս Յավուլյըլմազը հարցադիմում է հղել Թուրքիայի փոխնախագահ Ֆուադ Օքթային, որպեսզի տեղեկանա, թե միջազգային ասպարեզում հայկական Մեծամորի ատոմակայանի հարցում Թուրքիան ինչ կանխարգելիչ միջոցառումներ է իրականացրել: Այս մասին տեղեկացնում է «Միլլիյեթ»-ը:
Թուրքիայի փոխնախագահը, իր հերթին, հարցին լիարժեք պատասխան տալու համար դիմել է Թուրքիայի արտգործնախարար Մևլութ Չավուշօղլուին, ապա ներկայացրել է Արտգործնախարարությունից ստացված պատասխանը, որում նշվել է, թե «Մեծամորի ատոմակայանը չի համապատասխանում անվտանգության ժամանակակից պահանջներին»:
Թուրքիայի արտգործնախարարության պատասխանում նշվել է նաև, որ ատոմակայանի աշխատանքը վերահսկվում է Ատոմային էներգիայի միջազգային գործակալության կողմից, որն ատոմակայանի վերագործարկման օրվանից սկսած աշխատանքներ է տանում վտանգները չեզոքացնելու ուղղությամբ:
«Միջուկային անվտանգության մասին կոնվենցիայի վերանայման հարցով ժողովների ժամանակ Թուրքիան նշել է, որ ատոմակայանը գտնվում է մի վայրում, որտեղ հաճախ բնական աղետներ են տեղի ունենում, շատ մոտ է Թուրքիային և իրենից սպառնալիք է ներկայացնում ամբողջ տարածաշրջանի համար»,-ասված է Թուրքիայի ԱԳՆ պատասխանի մեջ:
Միաժամանակ, Թուրքիայի ԱԳՆ-ն նշել է, որ չի կարող հանդես գալ ատոմակայանը փակելու նախաձեռնությամբ, քանի որ այդպիսի լիազորություն ունի միայն այն երկիրը, որտեղ գտնվում է ատոմակայանը:
Ինչպես ավելի վաղ տեղեկացրել էր Tert.am-ը, Թուրքիայի ընդդիմադիր Ժողովրդահանրապետական կուսակցության անդամ, խորհրդարանի պատգամավոր Դենիզ Յավուզյըլմազն իր կուսակցության անունից առաջարկ էր ներկայացրել խորհրդարանին՝ Հայաստանի Մեծամորի ատոմակայանի վտանգներն ուսումնասիրելու վերաբերյալ:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԱՄՆ-ի գործողությունները Հորմուզի նեղուցում փակուղի են. Արաղչի
ԵՔՀ 8-րդ գագաթնաժողովի բացման արարողությունը Երևանում. ուղիղ