Apple-ն աշխատում է իր սեփական արբանյակային ինտերնետի ստեղծման ուղղությամբ

Apple-ը պատրաստվում է լրացնել այն ընկերությունների շարքերը, որոնք ինտերնետ են բաշխում ուղեծրից, եւ SpaceX եւ Amazon-ից հետո պատրաստվում է արձակել արբանյակներ, որոնք օգտատերերին կապահովեն գլոբալ ցանցի ուղիղ միացմամբ՝ շրջանցելով բջջային օպերատորներին, հայտնում է Hightech+-ը։

Ընկերությունը այդ նախագծի վրա աշխատելու համար առայժմ աերոտիեզերական տեխնիկայի, արբանյակային համակարգի եւ հեռակոմունիկացիաների մոտ տասը ինժեներների է վարձել։ Առաջին արդյունքները պետք է հայտնվեն հինգ տարուց, հայտնել են Apple-ում Bloomberg-ի աղբյուրները։ Առայժմ նախագիծն առաջին քայլերն է անում։ Այնուամենայնիվ, ընկերության ղեկավար Թիմ Կուկը հետաքրքրություն է դրսեւորում այս ծրագրի հանդեպ։

Թիմը կգլխավորեն Մայքլ Թրելան եւ Ջոն Ֆենվիկը, որոնք աշխատում են Google-ի կողմից 2014թ․ գնված Skybox Imaging ընկերությունում։ Բացի այդ, վերջերս թիմի կազմում են ընդգրկվել աերոտիեզերական տեխնիկայի եւ արբանյակային կապի նոր մասնագետներ։