Վենետիկն ասում է՝ կաշառք եք առաջարկում դատավորներին՝ մուրը ձեր գլուխը, բայց նվազագույն ստանդարտները պահեք. Ռ. Մելիքյան
«Իրավական ուղի» ՀԿ համահիմնադիր Ռուբեն Մելիքյանը ֆեյսբուքյան իր էջում անդրադարձել է ՍԴ դատավորներին վաղ կենսաթոշակի ուղարկել նախատեսող օրենքի մասին՝ նշելով, որ Վենետիկի հանձնաժողովի կարծիքը հաշվի չի առնվել եւ դատավորներին արվում է հակաէթիկական եւ հակասահմանադրական առաջարկ։
Գրառումն ամբողջությամբ ներկայացնում ենք ստորեւ․
«Վաղ կենսաթոշակի» կամ, ավելի ճիշտ, «Պետկաշառքի» օրենքը նախագահականում է։ Նախագահ Սարգսյանը պետք է որոշի՝ ստորագրի՞ այն, թե ուղարկի ՍԴ՝ սահմանադրականությունը ստուգելու։
Թե՛ հրապարակավ եւ թե՛ գործընկերներիս հետ մասնավոր զրույցներում շատ փաստարկումներ եմ լսել օրենքի հակասահմանադրականության վերաբերյալ։ Սակայն մի փաստարկ կա, որն ինձ շատ ակնհայտ է թվում, բայց այն որեւէ մեկի մոտ չեմ հանդիպել (եթե եղած լինի, գրառումս կխմբագրեմ)»:
Արդ, նախագծի վերաբերյալ դեռ Վենետիկի հանձնաժողովի կարծիքում ուղիղ նշվում էր, որ այս «սխեման» չպետք է դատավորներին հնարավորություն տա դադարեցնել պաշտոնավարումը՝ առանց ավարտելու վարույթում եղած գործերը։ Այսինքն, իմ ընկալմամբ, Վենետիկը մոտավորապես հետեւյալն էր ասում՝ կաշառք եք առաջարկում ձեր դատավորներին՝ մուրը ձեր գլուխը - դու՛ք, ձե՛ր բյուջեն, ձե՛ր հարկատուները։ Բայց գոնե նվազագույն ստանդարտները պահեք. օրինակ, այդ «սխեման» չի կարող վերածվել արդեն իսկ ստանձնած գործերից ձերբազատվելու հնարի։
Եվ ես սպասում էի, որ Վենետիկի այս դիպուկ նկատառումը հաշվի կառնվի խմբագրված նախագծում, բայց ի զարմանս ինձ՝ հաշվի չի առնվել։ Փաստորեն ՍԴ դատավորներին օրենքով արվում է ոչ միայն հակաէթիկակա՛ն առաջարկ, ոչ միայն հարկատուների՛ հաշվին հակաէթիկական առաջարկ, այլեւ հարկատուների հաշվին հակաէթիկական առաջարկ՝ զուգորդված «տհաճ» գործերից գլուխ ազատելու բոնուսային հնարավորությամբ։
Ի՞նչ է սա, եթե ոչ «արդարադատության իրականացմանը միջամտություն»՝ օրենքի միջոցով եւ նյութական գայթակղության եղանակով (Սահմանադրության 162 հոդվածի 2-րդ մասը դա ուղիղ արգելում է)։
Նույնը կլիներ, եթե, օրինակ, մի անցանկալի դատավոր (ասենք՝ Իքսը) մի կարեւոր գործ քններ ու նրանից ձերբազատվելու համար քաղաքական մեծամասնությունը օրենք ընդուներ, որ եթե էսինչ-էսինչ հատկանիշներով դատավորները (Իքսին վերաբերելի) 2 շաբաթվա ընթացքում արձակուրդի դիմում գրեն, ապա 1 ամսվա փոխարեն՝ 1 տարով կգնան արձակուրդ՝ տասնապատիկ արձակուրդայինով։ Բա սա միջամտություն չէ՞ր լինի արդարադատությանը։ Էն էլ ոնց կլիներ»։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...