Ադրբեջանի նախկին արտգործնախարարը բացասական է գնահատել Լավրովի այցը Բաքու
Ադրբեջանի նախկին արտգործնախարար Թոֆիկ Զուլֆուգարովը Minval կայքին տված հարցազրույցում ծայրահեղ բացասական է գնահատել ՌԴ արտգործնախարար Սերգեյ Լավրովի՝ Բաքու կատարած այցի արդյունքները:
Որպես իր գնահատականի պատճառ` ադրբեջանցի դիվանագետը նշել է Ղարաբաղյան հակամարտության կարգավորմանն ուղղված քայլերի որոշակի հաջորդականությունը: Զուլֆուգարովը, մեկնաբանելով Լավրովի այն խոսքերը, որ հակամարտությունը պետք է լուծվի Ղարաբաղի բնակչության կամքը հաշվի առնելով, նշել է, որ այդ միտքը հակասում է բանակցությունների երկկողմ ձևաչափին:
Զուլֆուգարովը հիշել է նաև ՌԴ արտգործնախարարության մամուլի քարտուղար Մարիա Զախարովայի հայտարարությունն այն մասին, որ ՌԴ պաշտոնական դիրքորոշումը մնում է նույնը, և ՌԴ-ն կարիք չի տեսնում ձևաչափի փոփոխման, քանի դեռ հակամարտության կողմերն իրենք նոր ձևաչափ չեն տեսնում: Զախարովայի հայտարարությունից Ադրբեջանի նախկին արտգործնախարարը եզրակացրել է, որ ՌԴ-ում որոշակի քննադատական մոտեցում կա Լեռնային Ղարաբաղի հարցում Լավրովի վարած քաղաքականության նկատմամբ:
Ադրբեջանցի դիվանագետը նշել է, որ ինքը բացասական է գնահատում այցը նաև այն պատճառով, որ Լավրովից սպասվում էին նոր հայտարարություններ, իսկ նա «հին հայտարարություններ է արել փոխզիջումների մասին»:
ՌԴ արտգործնախարար Սերգեյ Լավրովը դեկտեմբերի 3-4-ը պաշտոնական այցով գտնվել է Բաքվում: Իսկ երեկ Բրատիսլավայում ԵԱՀԿ 26-րդ Նախարարական խորհրդաժողովի շրջանակում տեղի է ունեցել Հայաստանի ԱԳ նախարար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը՝ ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի մասնակցությամբ:
Հայաստանի ԱԳ նախարար Զոհրաբ Մնացականյանը և Ադրբեջանի ԱԳ նախարար Էլմար Մամեդյարովը պայմանավորվել են Ղարաբաղյան կարգավորման հարցով հերթական հանդիպումն անցկացնել հաջորդ տարվա սկզբին:
Ադրբեջանական ԱԳ նախարարության տվյալներով՝ Բրատիսլավայում նախարարները 3 ժամ տևած հանդիպման ընթացքում «լայն քննարկումներ» են ունեցել: «Կողմերը քննարկել են բանակցային գործընթացի ներկայիս վիճակը և ղարաբաղյան հակամարտության խաղաղ կարգավորման ճանապարհները»,- նշվում է հայտարարությունում:
Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ
ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան
Ալիևը պաշտոնական այցով ժամանել է Թուրքիա
Ադրբեջանն ու Ղազախստանը համատեղ վարժանքներ կանցկացնեն
«Ռոյթերզ». «Մոսկվան լարվածություն է բորբոքել հօգուտ Ադրբեջանի»
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...