Միլիարդատիրոջ կենցաղը. Մարկ Ցուկերբերգը ցույց է տվել իր տունն ու պատմել ընտանիքի մասին (տեսանյութ)
Facebook սոցկայքի համահիմնադիր և ղեկավար Մարկ Ցուկերբերգն իր կնոջ՝ Փրիսցիլա Չանի հետ հանրության առջև բացել է իրենց գեղեցիկ առանձնատան դռներն ու ցույց տվել, թե որտեղ են ապրում: Ամուսինները դա արել են CBS This Morning հաղորդմանը տված բացառիկ հարցազրույցի շրջանակում:
Կալիֆոռնիայում գտնվող տան տարբեր անկյունները ցույց տալուց բացի նրանք նաև պատմել են ՝ ինչպես են ամուր պահում ընտանիքն ու ինչ սկզբունքներով են դաստիարակում երկու դուստրերին:
Նշվում է, որ Ցուկերբերգի առանձնատունը գտնվում է Պալո Ալտոյում ու արժե 7 մլն դոլար:
Ամուսինները հարցազրույցի մեծ մասն անցկացրել են ընդարձակ ու հարմարավետ խոհանոցում, որտեղ երեխաների հետ թխվածքաբլիթ են պատրաստել ու զրուցել անկաշկանդ միջավայրում:
Նրանք խոստովանել են, որ յուրաքանչյուր շաբաթ պարտադիր ժամադրություն են ունենում երկուսով՝ մի կողմ թողնելով աշխատանքային խնդիրներն ու հոգսերը:
Ինչ վերաբերում է դուստրերի դաստիարակությանը, ապա ամուսինների խոսքով՝ նրանք բավական խիստ են, պահանջում են կարգապահություն և առհասարակ երես չեն տալիս նրանց: Նրանք երեխաներին սովորեցնում են գնահատել ծանր աշխատանքի արժեքը:
«Նախևառաջ մենք նրանց ամեն ինչ չենք տալիս, ինչը, իմ կարծիքով, շատ կարևոր է: Բացի այդ, նրանք ունեն իրենց պարտականությունները: Մենք նրանք առաջադրանքներ ենք հանձնարարում ու մեզ հետ երբեմն աշխատանքի ենք տանում»,-պատմել է Ցուկերբերգը: Նրա համոզմամբ՝ շատ կարևոր է, որպեսզի երեխաները տեսնեն՝ ինչ աշխատանքով են զբաղված ծնողները:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...