Ոստիկանությունը փակել է տարածքը Վրաստանի խորհրդարանի շուրջ
Վրաստանի ՆԳՆ-ն մեծ քանակությամբ ոստիկաններ է մոբիլիզացրել խորհրդարանի տարածքում՝ ընդդիմության հայտարարած հերթական ցույցի առնչությամբ, տեղեկացնում է «Sptunik-Գրուզիա»-ն։
Խորհրդարանի մուտքերի մոտ անցումը փակված է երկաթե կոնստրուկցիաներով։
Ընդդիմադիր կուսակցությունների ղեկավարները եւ ակտիվիստները արդեն սկսել են հավաքվել Ռուսթավելու պողոտայում, Վրաստանի խորհրդարանի առջեւ, որպեսզի հերթական անգամ «մեծ անհարմարություն» ստեղծեն կառավարող «Վրացական երազանք-դեմոկրատական Վրաստան» կուսակցության պատգամավորների համար։ Ցուցարարները հավաքվում են Վրաստանի ՆԳՆ շենքի մոտ, խորհրդարանից ոչ հեռու։
Բողոքի ակցիաները Թբիլիսիում չեն դադարում նոյեմբերի 14-ից։ Այդ օրը խորհրդարանում ձախողվել էր իշխանությունների խոստացած ընտրական բարեփոխումը։ Կառավարող կուսակցության մեծամասնական պատգամավորների բողոքի պատճառով ձայները չբավականացրին խառը ընտրահամակարգից համամասնականի (ընտրացուցակներով) անցնելու մասին օրինագծի ընդունման համար։
Ընդդիմությունը հայտարարում է, որ բողոքի ալիքը չի դադարի այնքան ժամանակ, քանի դեռ իշխանությունները արտահերթ խորհրդարանական ընտրություններ չեն նշանակի համամասնական ընտրակարգով։ Իսկ իշխանություններն ասում են, որ այլեւս չեն վերանայի ընտրական օրենսդրությունը, եւ ընտրությունները տեղի կունենան 2020 թվականին։
Ինչպես ասել է Վրաստանի ՆԳՆ ղեկավար Վախթանգ Գոմելաուրին, ընդդիմադիրները փորձում են ստիպել ոստիկանությանը ուժ կիրառել։ Այդպես եղավ նոյեմբերի 18-ին, երբ ակցիայի մասնակիցները, որոնց թույլ էին տվել տակառներ եւ փայտ բերել տաքանալու համար, բայց նրանք սկսեցին այդ փայտերը նետել նախարարության աշխատակիցների վրա։ Մի քանի ոստիկաններ տուժեցին։ Հենց այդ պատճառով նոյեմբերի 25-ի ակցիայի ժամանակ ցուցարարներին թույլ չտվեցին բերել այդ առարկաները։
«Նրանք ցանկանում էին, որ մենք կռվենք նրանց դեմ, ծեծենք, բայց մենք դա չենք անում։ Առավելագունը փորձում ենք հետ մղել նրանց։ Մենք ոստիկաններ ենք եւ կկանգնենք այնքան, ինչքան պետք է։ Կկանգնենք պաշտպանելու քաղաքացիներին, բոլոր քաղաքացիներին, այդ թվում ցուցարարներին»,- ասել է Գոմելաուրին լրագրողներին կառավարության նիստն սկսվելուց առաջ։
ՆԳՆ-ն երկու անգամ խորհրդարանի մոտ հատուկ ջոկատներ է տարել եւ գործի դրել ջրցաններ, որովհետեւ ցուցարարները փակել էին շենքի մուտքերը։ Չնայած դրան՝ հատուկ ջոկատայինները միայն հետ են մղել բողոքի ակցիայի մասնակիցներին, տուժել է մի քանի մարդ։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...