«Թույլ չենք տա, որ անտեսվի մեր իրավունքները». սեւազգեստ մայրերը կվերսկսեն ակցիաները
Սեւազգեստ մայրերը Կառավարությունից դեռ պատասխան չեն ստացել եւ նորից պատրաստվում են պայքարել: Այս մասին այսօր` նոյեմբերի 23-ին, լրագրողների հետ զրույցում ասաց «Զինվորի մայր» ՀԿ նախագահ Մարգարիտա Խաչատրյանը:
«Հինգշաբթի օրը մենք ժողովրդի հետ կհանդիպենք Կառավարության դիմաց, մեր պայքարը շարունակվելու է: Մենք կանգնած ենք բանակի կողքին, բայց մենք թույլ չենք տա, որ անտեսվի սեւազգեստ մայրերի իրավունքները»,- ասաց նա:
Անդրադառնալով լրագրողի այն դիտարկմանը, որ իրենց ցույցերը քննադատվեցին սոցիալական ցանցերում եւ նույնիսկ հայհոյախառն մեկնաբանություններ էին անում, տիկին Մարգարիտան ասաց, որ ինքը չի վախենում քննադատություններից. «Ես էլ ոչինչ չունեմ տալու բանակին, տվել եմ ամենաթանկը եւ էսօր ոչնչից չեմ վախենում»:
«Զինվորի մայր» ՀԿ նախագահը նշեց, որ իրենք 6600 մահացած զինծառայողի անուն են ներկայացրել, սակայն չեն նշել որեւէ առաջնահերթություն փոխհատուցման հետ կապված:
Նշենք, որ սեւազգեստ մայրերը Մարգարիտա Խաչատրյանի գլխավորությամբ մի քանի օր ցույցեր անցկացրեցին Կառավարության շենքի մոտ` պահանջելով փոխհատուցում տրամադրել մահացած զինծառայողների ընտանիքներին: Վարչապետ Նիկոլ Փաշինյանը նրանց խնդիրը լսեց, նաեւ նրանց ընդունեց Կառավարությունում, սակայն մինչ օրս խնդրին որեւէ լուծում չի տրվել:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...