Տղամարդը կողոպտել է Խնայբանկը եւ միլիոններով փախել Ադրբեջան

Կաբարդինա–Բալկարիայի բնակիչը 11 միլիոն ռուբլի է գողացել Խնայբանկից և փախել Ադրբեջան։

Ինչպես հաղորդում է ԿԲՀ դատախազությունը, տեղի բնակիչը շահադիտական նկատառումներով հանցագործություն է պլանավորել։ Կողոպուտի իր ծրագիրը իրականացնելու համար տղամարդը պայմանավորվել է մի քանի հոգու հետ։ Արդունքում նա կարողացել է անօրինական կարգով հայտնվել ֆինանսական հաստատության գանձարանում։ Այստեղից նա բացեիբաց դուրս է բերել «Խնայբանկ» ՓԲԸ–ին պատկանող 11 407 947 ռուբլի եւ անհետացել դրանց հետ Ադրբեջանի տարածքում։

Հայտարարվել է դաշնային հետախուզում, ինչի արդյունքում հանցագործը հայտնաբերվել եւ արտահանձնվել է Կաբարդինա–Բալկարիային։

Հունվարի 30-ին դատախազությունը նրան մեղադրանք է առաջադրել մի շարք անձանց հետ համաձայնության գալով եւ ապօրինի մուտք գործելով՝ առանձնապես խոշոր չափի գողություն իրականացնելու համար։

Մեղադրյալին սպառնում է մինչև 12 տարի ազատազրկում։