Էլինա Դանիելյանը պատրաստվում է աշխարհի առաջնությանը

Հայաստանի ուժեղագույն շախմատիստ Էլինա Դանիելյանը «Ա1+»-ի հետ զրույցում խոստովանել է, որ դեռեւս պատրաստ չէ շախմատի աշխարհի կանանց առաջնությանը, որը մեկնարկելու է փետրվարին Իրանի մայրաքաղաք Թեհրանում. «Անցած տարի ես երկարատեւ ընդմիջում տվեցի առաջնեկիս ծննդյան հետ կապված: Այդ իսկ պատճառով ներկայումս խաղային փորձի պակաս ունեմ, ուստի Իրանում շատ դժվար է լինելու», – նշեց փորձառու շախմատիստուհին:

Համաձայն վիճակահանության առաջին փուլում Էլինա Դանիելյանը հանդիպելու է Պադմինի Ռութի հետ: Խոսելով առաջիկա հակառակորդի մասին՝ նա մասնավորապես ասաց. «Մրցակիցս թեեւ երիտասարդ է, բայց շատ վտանգավոր է, քանի որ ներկայացնում է Հնդկաստանը, որտեղ շատ բարձր մակարդակի վրա է գտնվում կանանց շախմատը: Բացի այդ առաջնությունն անցկացվում է նոկաուտ մրցակարգով, որտեղ պարզապես սխալվելու իրավունք չունես: Համենայնդեպս, կձգտեմ հնարավորինս լավ հանդես գալ Թեհրանում», – եզրափակեց կանանց շախմատի մեր առաջատարը:

Այս թեմայով Շախմատի աշխարհի չեմպիոնական մրցամարտի լոգոն համեմատել են Կամասուտրայի նկարների հետ Ադրբեջանը Եվրոպայի չեմպիոն, իսկ Հայաստանը 14-րդն է Արոնյանը հաղթեց, բայց Հայաստանի հավաքականը պարտվեց Հայաստանի կանանց եւ տղամարդկանց հավաքականները հաղթեցին Հայաստանի տղամարդկանց եւ կանանց հավաքականները հաղթեցին