Հայաստանի տղամարդկանց եւ կանանց հավաքականները հաղթեցին

Հերսոնեսում (Կրետե) երեկ մեկնարկած շախմատի Եվրոպայի թիմային առաջնությունում Հայաստանի կանանց հավաքականն առաջին տուրում 3.5:0.5 հաշվով հաղթել է Հունաստանի երկրորդ թիմին:

Հաղթանակներ են տարել Էլինա Դանիելյանը, Լիլիթ Գալոյանը և Մարիա Կուրսովան: Ոչ-ոքի է խաղացել Լիլիթ Մկրտչյանը:

Հայաստանի տղամարդկանց հավաքականը մրցել էր Շվեյցարիայի ընտրանու հետ և առավելության հասել 3:1 հաշվով: Սպիտակներով հաղթանակներ էին տարել Գաբրիել Սարգսյանն ու Հովհաննես Գաբուզյանը: Սերգեյ Մովսեսյան ու Հրանտ Մելքումյանը խաղացել էին ոչ-ոքի, իսկ թիմի առաջատար Լևոն Արոնյանը բաց էր թողել առաջին տուրը:

Հիշեցնենք` Եվրոպայի կանանց և տղամարդկանց թիմային առաջնությունն անցկացվում է Հունաստանում հոկտեմբերի 28-ից նոյեմբերի 6-ը։ Նոյեմբերի 2-ը հանգստյան օր է։ Խաղերի սկիզբը Երևանի ժամանակով 16։00-ին է։

Այս թեմայով Շախմատի աշխարհի չեմպիոնական մրցամարտի լոգոն համեմատել են Կամասուտրայի նկարների հետ Ադրբեջանը Եվրոպայի չեմպիոն, իսկ Հայաստանը 14-րդն է Արոնյանը հաղթեց, բայց Հայաստանի հավաքականը պարտվեց Հայաստանի կանանց եւ տղամարդկանց հավաքականները հաղթեցին Էլինա Դանիելյանը պատրաստվում է աշխարհի առաջնությանը