Սննդաբանները բացահայտել են հավերժ երիտասարդության գաղտնիքը

Երիտասարդության պահպանման համար կարեւոր նշանակություն ունի սնունդը, նման եզրակացության են եկել իտալացի փորձագետները, տեղեկացնում է ՌԻԱ «Նովոստի»-ն՝ հղում կատարելով Lecco Notizie-ին։

Իտալիան երկարակեցության առաջատարներից է։ Տղամարդիկ երկրում ապրում են միջինը 81 տարի, կանայք՝ 85։ Մասնագետները որոշել են գտնել իտալացիների երկարակեցության եւ առողջության պատճառը։

Պարզվել է, որ միջերկրածովյան այդ երկրի բնակիչները հատկապես ուշադիր են սննդի որակի հարցում։ Նրանց սննդաբաժինը հարուստ է սպիտակուցներով, А եւ С վիտամիններով, ֆոլաթթվով եւ հակաօքսիդանտներով։ Բացի այդ, Ապենինների բնակիչները չեն չարաշահում ալկոհոլը, չեն ծխում, քաղր գազավորված ըմպելիքներ չեն խմում եւ նախընտրում են սեփական ձեռքերով պատրաստած ուտելիք տեղական մթերքներից։

Նրանց, ովքեր չեն ցանկանում բախվել ժամանակից շուտ ծերանալու խնդրին, սննդաբանները խորհուրդ են տալիս սննդակարգ մտցնել 11 գրամ սպիտակուց մեկ կիլոգրամ քաշի հարաբերությամբ, ինչը թույլ կտա պահպանել բավականաչափ մկանային զանգված։ Բացի այդ, խորհուրդ է տրվում սննդի մեջ ներառել կաթնամթերքներ, ինչպես նաեւ ֆոլաթթվով հարուստ կանաչեղեն եւ հազար։

Փորձագետները նշել են, որ չպետք է բաց թողնել նախաճաշը։ Առավոտյան հարկավոր է խմել կարմիր թուրինջի թարմ քամված հյութ եւ ուտել ոչ մեծ բուռ ընկույզ։ Դա թույլ կտա օրգանիզմին ստանալ С վիտամինի, օմեգա-3 ճարպաթթուների, կալցիումի, հակաօքսիդանտների եւ հանքային աղերի անհրաժեշտ լիցք։