Ռուսաստանը թույլ չի տա Լեռնային Ղարաբաղի հակամարտության ոչ արդարացի լուծում. Զատուլին
Ռուսաստանը թույլ չի տա Լեռնային Ղարաբաղի հակամարտության ոչ արդարացի լուծում: Այս մասին Ստեփանակերտում անցկացվող «Համագործակցություն հանուն արդարության եւ խաղաղության» միջազգային համաժողովի ժամանակ ասել է Պետդումայի ԱՊՀ, եվրասիական ինտեգրման եւ հայրենակիցների հետ կապերի հարցերով կոմիտեի փոխնախագահ, ԱՊՀ երկրների ինստիտուտի ղեկավար Կոնստանտին Զատուլինը:
Հիշեցնելով, որ Ռուսաստանում բնակվում է 2 միլիոնից ավելի հայ՝ նա հավելել է, որ սա երկրի բնակչության ազդեցիկ եւ հարգարժան հատվածն է: Զատուլինի խոսքով՝ կայացման ճանապարհին ժողովուրդներն ու պետություններն անցնում են հրի ու ջրի եւ փառքի միջով: «Ես Ղարաբաղում բազմիցս եմ եղել: Եղել եմ Եվրոպայի եւ հետխորհրդային տարածքի առանց բացառության բոլոր հակամարտային գոտիներում: Մեծ տպավորություն է գործում այն, որ չնայած բոլոր զոհողություններին եւ տառապանքին, Արցախի ժողովուրդը ցուցադրում է խաղաղ կյանքի վիթխարի ձեռքբերումներ: Արցախում մարդիկ ապրում են լիարժեք կյանքով՝ դիմակայելով ցանկացած հավակնության»,- նշել է Զատուլինը:
Նրա խոսքով՝ բոլորս ակնկալում ենք եւ հույս ունենք, որ ղարաբաղյան հակամարտության կարգավորման գործընթացում կգերիշխեն բարի կամքն ու սթափ մոտեցումը, եւ խաղաղությունը կվերադառնա այս հող:
Զատուլինն ընդգծել է, որ Ռուսաստանը սատարում է խաղաղ լուծմանը եւ ամեն կերպ կանխում է ռազմական փորձերը: Նրա խոսքով՝ նման փորձ ձեռնարկվեց նաեւ 2016 թվականի ապրիլին, եւ Ռուսաստանն ամեն ինչ արեց այն ամենաարագ կերպով դադարեցնելու եւ պայթյունավտանգ լարվածությունը նվազեցնելու համար:
«ՌԴ-ն՝ որպես պետություն, թույլ չի տա ղարաբաղյան հակամարտության ոչ արդարացի լուծում: Ով էլ որ լինի վարչապետը կամ նախագահը, ռուս ժողովուրդն առաջին հերթին գնահատում է խիղճն ու արդարությունը: Իսկ նրանք ձեր կողմից են»,- ամփոփեց Զատուլինը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են