Թուրքիայի իշխանությունները երկքաղաքացիություն ունեցող անձանց թույլ չեն տալիս լքել երկիրը
Թուրքիայի իշխանությունները երկքաղաքացիություն ունեցող անձանց թույլ չեն տալիս լքել երկիրը։ Հղում անելով իր աղբյուրներին, այս մասին հաղորդում է Yle պորտալը։ Երկքաղաքացիների համար խդիրները սկսել են ծագել 2016 թվականի պետական հեղաշրջման փորձից հետո։
Ֆինլանդիայի արտգործնախարարությունը հաստատել է, որ վերջին տարիներին երկքաղաքացիները բախվել են Թուրքիայից ելքի արգելքի հետ։
«Մի քանի նման դեպքեր են եղել, որոնք վերաբերել են ֆիններին։ Ես չեմ կարող մեկնաբանել դեպքերի ճշգրիտ քանակը»,- ասել է Թուրքիայում Ֆինլանդիայի հյուպատոսության ղեկավար Անտտի Պուտկոնենը։
Այլ եվրոպական երկրները նույնպես հայտնել են, որ երկքաղաքացիություն ունեցող թուրքական ծագմամբ անձանց, որոնք մեկնել են հայրենիք արձակուրդներն անցկացնելու նպատակով, արգելվել է վերադառնալ իրենց բնակության երկիր։ Գերմանիայի ԱԳՆ-ն նախազգուշացրել է, որ օրինակ՝ սոցիալական ցաներում արված գրառումները կարող են խնդիրներ առաջացնել Թուրքիայում։
Երկքաղաքացիություն ունեցող անձանց ելքի արգելքի պատճառ կարող են հանդիսանալ Թուրքիայում առկա պայմանների, կամ նախագահ Էրդողանի հասցեին քննադատություն պարունակող գրառումները սոցիալական ցանցերում։ Նման մեկնաբանությունները կարող են որակվել որպես հանցագործություն եւ հանգեցնել հետաքննության, հնարավոր է նաեւ՝ դատաքննության։
Եղել են դեպքեր, երբ նման մարդկանց կասկածել են Քրդական աշխատավորական կուսակցությանը, կամ 2016-ի հեղաշրջման փորձի մեջ կասկածվող հոգեւորական ու գիտնական Ֆեթհուլլահ Գյուլենին աջակցելու մեջ։
Օգոստոսի վերջին Գերմանիայի արտգործնախարարությունը հրապարակել է զեկույց, ըստ որի գերմանական երկքաղաքացիություն ունեցող մոտ 62 հոգի գտնվում են թուրքական բանտերում։ Եվս 38-ը գտնվում են տնային կալանքի պայմաններում։
Վերոհիշյալ զեկույցում չի նշվում, թե ինչ հանցանքներ են նրանց մեղսագրվում։ Գերմանական ԶԼՄ-ների հաղորդագրությունների համաձայն, որոշ դեպքեր կարող են կապված լինել սոցցանցերում թուրքական կառավարության քննադատության հետ։
Թուրքիայում 5,5 մագնիտուդ ուժգնությամբ երկրաշարժ է տեղի ունեցել
Թուրքիա–Հունաստան սահմանին զինված բախում է տեղի ունեցել
Թուրքիայի ընդդիմադիր կուսակցապետի նկատմամբ հետաքննություն է սկսվել
Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած
Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...