Մոտ 1․5 մլրդ վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին․ (տեսանյութ)

Ազգային ժողովի արտահերթ նիստին շարունակվում է «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագծի քննարկումը։ Նախագծով առաջարկվում է ավելի քան 56 մլրդ դրամ ավելացված արժեքի հարկի դեբետային մնացորդները վերադարձնել տնտեսավարողներին:

Աժ իր ելույթում «Լուսավոր Հայաստան» խմբակցության պատգամավոր Մանե Թանդիլյանն ասաց․ «Ես ունեմ տվյալներ, որ այդ գումարներից մոտ 1․5 մլրդ-ը վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին։ Ես պնդում եմ, որ մեզ տեղեկատվություն տրամադրեն, թե ովքեր են այդ տնտեսվարողները, որոնց պետք է այդ գումարները վերադարձվեն։ Մենք չենք կարող քվեարկել և բյուջեից գումարներ տրամադրել այն տնտեսվարողներին, որոնց մասին տեղեկություն չունենք»: