Մթերք, որը կրճատում է սիրտ-անոթային հիվանդությունների հետեւանքով մահվան հավանականությունը

Մարդիկ, որոնք պարբերաբար ուտում են ոչ աղի ընկույզներ, ավելի քիչ են ենթակա սիրտ-անոթային հիվանդությունների հետեւանքով մահանալու վտանգին: Այս մասին հայտնում են Իսպահանի սրտաբանական հետազոտական ինստիտուտի (Իրան) գիտնականները: Նրանք իրենց հետազոտության արդյունքների մասին հայտնել են Փարիզում տեղի ունեցած Սրտաբանների եվրոպական միության համաժողովում:

Հետազոտության համաձայն, որի շրջանակում մասնագետները 12 տարի հետեւել են 35-ն անց 5432 մարդկանց սննդային սովորություններին, շաբաթական 2 անգամ ընկուզեղենի (կաղին, նուշ եւ հունական ընկույզ) գործածումը կապված է սիրտ-անոթային հիվանդությունների հետեւանքով մահվան հավանականության 17 տոկոսով նվազման հետ՝ 2 շաբաթը մեկ անգամ ընկույզ գործածելու համեմատությամբ: Գիտնականները հատուկ նշում են հում եւ ոչ աղի ընկույզների օգուտի մասին:

Մասնագետները հետազոտության ժամանակ հաշվի են առել այնպիսի գործոնները, ինչպես մասնակիցների տարիքը, սեռը, կրթությունը, ծխելը եւ ֆիզիկական ակտիվությունը:

Սրտաբանների եվրոպական միության հանձնարարականների համաձայն՝ սնունդի մեջ օրական մոտ 30 գրամ ընկույզի գործածումը առողջ սննդակարգի մասն է: Իսկ 2016 թվականի դեկտեմբերին գիտնականների միջազգային խումբը BMC Medicine ամսագրում հոդված էր հրապարակել, որի համաձայն օրական մոտ 20 գրամ ընկույզի գործածումը կապված է քաղցկեղի զարգացման կամ սիրտ-անոթային հիվանդությունների հետեւանքով մահվան փոքր հավանականության հետ:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել