Մեզ համար ոչ-ոքին Իտալիայի հետ խաղում լավ արդյունք է. Գյուլբուդաղյանց

Հայաստանի ֆուտբոլի ազգային թիմի գլխավոր մարզիչ Արմեն Գյուլբուդաղյանցի կարծիքով Իտալիայի հետ առաջիկա խաղում ոչ-ոքին դրական արդյունք է:

«Արտերկրում հանդես եկող ֆուտբոլիստների ուղևորությունը բավականին երկար է ստացվել և մի քիչ հոգնածություն ունեն: Բայց հույս ունեմ, որ կհասցնեն վերականգնվել: Իսկ ինչ կապված է Իտալիայի ուժեղ և թույլ կողմերի հետ, ապա բոլոր թիմերն էլ ունեն ուժեղ և թույլ կողեր, Իտալիան ևս: Ուսումնասիրել ենք նրանց և գիտենք, որ հզոր թիմ ունեն: Նրանց երկու կարևոր ֆուտբոլիստները վնասվածք ունեն»,-«Արմենպրես»-ի հաղորդմամբ՝ լրագրողների հետ հանդիպման ժամանակ ասաց մարզիչը:

Խոսելով սերնդափոխության մասին՝ Գյուլբուդաղյանցը շեշտեց, որ իտալական ֆուտբոլի փիլիսոփայությունը փոխվել է և Իտալիայի ընտրանում կան ֆուտբոլիստներ, ովքեր արժանիորեն խաղում են թիմում:

«Մենք կենտրոնանալու ենք մեր խաղի վրա և եթե մեզ հաջողվի չեզոքացնել Իտալիայի ուժեղ կողմերը, ապա կկարողանանք դրական արդյունքի հասնել: Մեզ համար ոչ-ոքին Իտալիայի հետ խաղում լավ արդյունք է»,-շեշտեց նա:

Ֆուտբոլի Եվրոպայի 2020 թվականի առաջնության ընտրանակն փուլի հերթական տուրում սեպտեմբերի 5-ին Վազգեն Սարգսյանի անվան Հանրապետական մարադաշտում Հայաստանի ընտրանին կհյուրընկալի Իտալիայի հավաքականին: Հանդիպումը կմեկնարկի 20:00-ին:

Մրցաշարային աղյուսակում այժմ առաջատար Իտալիան է, որն ունի 12 միավոր: Երկրորդ տեղում Ֆինլանդիան է 9 միավորով, իսկ Հայաստանի ընտրանին 6 միավորով 3-րդ տեղում է: