Արսեն Թորոսյանն իր կնոջ կենտրոնի պետպատվերներն ավելացրել է՝ դարձնելով մոտ 2.7 մլրդ, մինչդեռ ամբողջ ՀՀ-ի ուռուցքաբանության պետպատվերը 1 մլրդ չի հասնում. Գևորգ Թամամյան

Տարվա սկզբին պետպատվերի բաշխում անելիս ի՞նչ չափորոշիչներով եք առաջնորդվել, ինչպե՞ս եղավ, որ ձեր կնոջ ղեկավարած կենտրոնի պետպատվերը, որ մատուցում է միայն ՄՌՏ (Մագնիսա-ռեզոնանսային տոմոգրաֆիա) ու ԿՏ (Համակարգչային տոմոգրաֆիա) հետազոտություններ, կրկնապատկեցիք: Այսօր լրագրողների հետ հանդիպմանը նախարար Արսեն Թորոսյանին հրապարակավ հարցրեց նախարարի նախկին խորհրդական, Ռ.Հ. Յոլյանի անվ. Արյունաբանական կենտրոնի Մանկական քաղցկեղի և արյան հիվանդությունների կենտրոնի ղեկավար Գևորգ Թամամյանը:

«Պրն. Թորոսյան, եթե այդքան լավն է, ապա՝ տասով բազմապատկեիք: Ինչու՞ մասնավոր կենտրոնին 1 մլրդով ավելացրեցիք պետպատվերը՝ դարձնելով մոտավորապես 2.7 մլրդ, մինչդեռ ամբողջ ՀՀ-ի ուռուցքաբանության պետպատվերը 1 մլրդ չի հասնում: Սրա մասին որևէ հոդաբաշխ բացատրություն չի եղել, ասել են՝ այդպես գտանք, ո՞վ գտավ»,- ասաց նա:

Թամամյանը նկատեց, որ բժշկությունը բարդ ոլորտ է, ինչի պատճառով էլ նախարար Արսեն Թորոսյանը կարողանում է մանևրել: «Նա կարողանում է մանևրել ու կառավարության անդամներին ոլորտը ներկայացնել այնպես, ինչպես ինքն է պատկերացնում, իսկ ժողովուրդն ու կառավարությունը տեղյակ չէ՝ ինչ է կատարվում այստեղ»,- շարունակեց Գևորգ Թամամյանը:

Վերջինիս խոսքով՝ փետրվարին ՀՀ-ում կայացած Մանկական ուռուցքաբանության խոշորագույն կոնգրեսը ՀՀ-ում տեղի էր ունենում առաջին անգամ, սակայն նախարարը չներկայացավ, թեպետ այդ օրը կազմավորվեց նաև Մանկական քաղցկեղի ու արյան հիվանդությունների կենտրոնը:

«Բացի նրանից, որ նա չեկավ, նաև նրա օգնականները մի քանի անգամ ճշտել են, թե ով է ներկա լինելու: Ասել էր, որ եթե ներկա է լինելու Բժշկական համալսարանի ռեկտորը և ցիտում եմ բառացի՝ «տերտերներ», ես չեմ գա: Լավ, հասկանում ենք, որ դուք ատում եք թե՛ ռեկտորին, թե՛ ՀՀ-ում բոլոր կայացած բժիշկներին, բայց դուք ատում եք նաև մեր հայկական եկեղեցին: Իր իրավունքն է՝ հավատալ կամ չհավատալ, բայց պետական բարձր պաշտոն զբաղեցնող անձը չի կարող բացահայտ մեր եկեղեցու նկատմամբ նման վերաբերմունք ցույց տալ»,- եզրափակեց Գևորգ Թամամյանը:

Այս թեմայով Մենք ամեն ինչ անում ենք, որ ԼՂ-ից տեղահանված ընտանիքները բնակարան ձեռք բերեն, ոչ թե նախընտրեն երկարատև վարձակալությունը. Արսեն Թորոսյան 623 հազար դոլար հավելագրվածը պետք է վերադարձվի պետբյուջե. կոռուպցիայի մաս 5 Թորոսյանը «երկար չի ձգի» Նախարարությունում «բունտ» է հասունանում Թորոսյանից բացի նախարարի այլ թեկնածու չի եղել