ԱՄՆ կոնգրեսականները շնորհավորել են Արցախի ժողովրդին՝ Անկախության 28-րդ տարեդարձի կապակցությամբ
ԱՄՆ հինգ կոնգրեսականներ շնորհավորական ուղերձ են հղել Արցախի Հանրապետության նախագահ Բակո Սահակյանին՝ հանրապետության անկախության 28-րդ տարեդարձի կապակցությամբ:
Նամակում, որի հեղինակներն են կոնգրեսականներ Ադամ Շիֆը, Ֆրենկ Փալոնեն, Ջեքի Սփայերը, Փիթեր Քինգը և Գուս Բիլիրակիսը, նշվում է, որ Արցախի ժողովուրդն Ադրբեջանի ռազմական ագրեսիայի պայմաններում կարողացել է իր ձայնը բարձրացնել հանուն ազատության և արժանապատվության և 1991 թվականին հայտարարել է անկախ պետություն կառուցելու իր մտադրության մասին:
Շնորհավորական ուղերձը Twitter-ում հրապարակել է ԱՄՆ Կոնգրեսի հայկական հարցերով հանձնախմբի համանախագահ Ֆրենկ Փալոնեն:
«Արցախը վստահաբար վաստակել է ԵԱՀԿ Մինսկի խմբում ընթացող բանակցություններին մասնակցելու իրավունքը՝ հանդես գալով որպես տարածաշրջանում ժողովրդավարության և ազատության օրինակ»,- ասվում է կոնգրեսականների նամակում, որտեղ նամակի հեղինակները հույս են հայտնում, որ մոտ ապագայում երկիրը կրկին բանակցությունների սեղանի շուրջ կհայտնվի:
«Վստահ եղեք, որ մենք շարունակելու ենք ձեռնամուխ լինել Արցախի տնտեսության և ժողովրդավարության զարգացմանը և պետության անկախության ճանաչմանը»,- ասված է նամակում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են