Չինաստանը Սպիտակ տանը բողոք է հայտնել Հոնկոնգում արմատական տրամադրված ցուցարարներին կարեկցելու համար

Չինաստանի կառավարությունը Սպիտակ տանը եւ ԱՄՆ Կոնգրեսի մի քանի սենատորների վճռական բողոք է հայտնում Հոնկոնգում արմատական տրամադրված ցուցարարներին կարեկցելու եւ Միացյալ Նահանգների կողմից նրանց ձերբակալելու հետ կապված քննադատության համար: Այս մասին նշված է շաբաթ հրապարակված այս հատուկ վարչական շրջանում Չինաստանի ԱԳՆ կոմիսարիատի հայտարարության մեջ, հայտնում է ՏԱՍՍ-ը:

«Լրատվամջոցների տեղեկությունների համաձայն՝ ԱՄՆ Կոնգրեսի մի քանի սենատորներ... եւ Սպիտակ տան աշխատակիցները քննադատությամբ են արձագանքել օրինական ձերբակալություններին (որոնք Հոնկոնգում ցույցերի ժամանակ բռնության ակտերի մեղավորներն են): Նրանք հանդես են եկել օրենքը խախտած հանցավոր տարրերի արդարացմամբ՝ նրանց անվանելով «չհամաձայնվողներ» եւ պահանջել են, որ հոնկոնգյան վարչակազմը մեղադրանքները հետ կանչի, ինչպես նաեւ սպառնացել են Հոնկոնգի դեմ պատժամիջոցային օրինագծով,- նշված է փաստաթղթում, որը հրապարակվել է գերատեսչության պաշտոնական կայքում: - Համանման հայտարարությունները աղավաղում են իրականությունը... Չինական կողմը այս կապակցությամբ արտահայտում է իր մեծ դժգոհությունը եւ վճռական բողոքը»:

Հայտարարության մեջ ընդգվում է, որ ամերիկյան իշխանությունները «օժանդակում են հանցագործներին՝ բացահայտ կերպով միջամտելով Հոնկոնգի եւ ամբողջ Չինաստանի ներքին գործերին»:

«Սա եւս մեկ անգամ վկայում է ամերիկացի քաղաքական գործիչների խղճուկության, հեգեմոնիզմի եւ ամբարտավանության մասին»,- նշված է հայտարարության մեջ: Բացի այդ, նշվում է, որ բռնությունը, հանցագործությունները չեն կարող արդարացում ունենալ եւ պետք է օրենքով պատժվեն, հակառակ դեպքում իրավաբանական նորմերը եւ կանոնները ուղղակի անիմաստ կլինեն:

Հոնկոնգի իշխանությունները ուրբաթ առավոտյան ձերբակալել էին մի քանի արմատական տրամադրված ակտիվիստների, որոնցից երկուսին արդեն գրավով ազատ են արձակել: Այս ժամանակավոր ազատազրկումը, որը հարուցել է իրավապաշտպանների եւ ԱՄՆ իշխանությունների որոշ ներկայացուցիչների քննադատությունը, կատարվել էր հերթական հակակառավարական ցույցի նախօրեին, որը նախատեսված էր շաբաթ քաղաքի կենտրոնում: Ոստիկանությունը երթի անցկացումը թույլ չէր տվել, սակայն ընդդիմության շատ կողմնակիցներ, այնուամենայնիվ, հնարավոր է՝ փողոցներ դուրս գան, չնայած արգելքին: