Իրանը կբանակցի միայն պատժամիջոցների չեղարկման պարագայում
Իրանի նախագահ Հասան Ռոհանին ասել է, որ Միացյալ Նահանգների հետ բանակցություններ կացնկացվեն միայն պատժամիջոցների չեղարկումից հետո:
Այդպես Ռոհանին արձագանքել է «ճիշտ հանգամանքներում» իրանական կողմի հետ բանակցելու պատրաստակամության մասին ԱՄՆ նախագահ Դոնալդ Թրամփի հայտարարությանը:
Այսօր ելույթ ունենալով Թեհրանում, Ռոհանին ասել է, որ Իրանը պատրաստ է բանակցել ԱՄՆ-ի հետ, սակայն «դրա համար անհրաժեշտ է, որ Վաշինգտոնը նախևառաջ չեղարկի Իրանի նկատմամբ սահմանված ապօրինի, անարդար պատժամիջոցները»:
Ռոհանին ավելացրել է, որ այլապես Իրանը կշարունակի աստիճանաբար հրաժարվել 2015 թվականի պայմանագրով ստանձնած պարտավորություններից:
Իրանի և ԱՄՆ-ի հարաբերությունները խիստ սրվել են այն բանից հետո, երբ Թրամփը 2018 թվականի մայիսին հայտնել է 2015 թվականի միջուկային պայմանագրից հրաժարվելու, պատժամիջոցները վերականգնելու և խստացնելու մասին:
Ֆրանսիան, Գերմանիան, Մեծ Բրիտանիան, Ռուսաստանը և Չինաստանը պնդում են, որ հարկ է պահպանել այդ պայմանագիրը:
Այդ փաստաթղթով Իրանը պարտավորվել է սահմանափակել միջուկային ակտիվությունը: Միջազգային գերտերություններն, իրենց հերթին, պետք է աստիճանաբար թուլացնեն Իրանի նկատմամբ սահմանված տնտեսական պատժամիջոցները:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո