«Վեոլիա»-ն հենց այսօր աշխատանքներ կտանի, ջուր կբերի համայնք. մարզպետի հետ հանդիպումից հետո արճիսցիները բացեցին ճանապարհը
«Վեոլիա» ընկերության հետ քիչ առաջ պայմանավորվել եմ, հենց այսօր աշխատանքները կսկսվեն, ջուր կբերեն համայնք: Բագրատաշեն-Ալավերդի ճանապարհը փակած արճիսցիների հետ հանդիպմանն ասաց Տավուշի մարզպետ Հայկ Չոբանյանը:
«Մենք պարտավոր ենք հրատապ խնդիր լուծել ձեզ համար, մինչև կլուծենք ֆունդամենտալ խնդիրը: Հասկանում եք, որ 100 մլն դրամի ծրագիրը ոչ երեք օրվա, ոչ երեք շաբաթվա ծրագիր ա: Զուգահեռ կքննարկենք նաև պոմպով ջուր բերելու տարբերակը, դա արդեն համայնքապետարանի մակարդակով քննարկվելիք հարց է»,- նշեց Հայկ Չոբանյանը:
Մարզպետի հետ հանդիպումից հետո Արճիս համայնքի բնակիչները բացեցին Բագրատաշեն-Ալավերդի ճանապարհը:
Ավելի վաղ հաղորդվել էր, որ Այրում խոշորացված համայնքի Արճիս գյուղի բնակիչները վաղ առավոտից փակել են Բագրատաշեն-Ալավերդի մայրուղու Արճիսի հատվածը: Արճիսցիների բողոքի ակցիայի պատճառը խմելու ջրի բացակայությունն է:
«Բնակավայրում չկա մշտական ջուր, իսկ գյուղի աղբյուրները վերջին ամիսներին ցամաքել են։ Մենք հուլիսի 1-ին էլ էինք փակել ճանապարհը, հետո մարզպետարանից եկան, չափագրումներ արեցին, եռամսյակ ուզեցին, որ հասկանան՝ կառավարության բյուջեն կարողանո՞ւմ է ֆինանսավորել ջրի խնդրի համար: Կողքի գյուղերից ենք ջուր բերում, մի աղբյուր կա այնտեղ, որից օգտվում ենք, բայց չգիտենք՝ այդ ջուրը խմելու համար պիտանի՞ է, թե՞ ոչ»,- ասաց Արճիս համայնքի բնակիչ Արփինե Միկիչյանը:
Նա նշեց, որ արճիսցիները փակ են պահելու ճանապարհը այնքան ժամանակ, մինչև կառավարությունից արձագանք լինի: Ակցիայի մասնակիցները պահանջում են Կառավարության մոտակա նիստին հարցը քննարկել։
«Եվ պահանջում ենք, որ տրվի ժամանակավոր լուծում՝ մինչև հիմնական լուծումը կլինի»,- հայտնեց Արփինե Միկիչյանը:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո