Հարսանիքի մասնակիցներից մի քանի հոգի իշխանության ներկայացուցչի նկատմամբ բռնություն գործադրելու կասկածանքով բերման են ենթարկվել

Ոստիկանության Արաբկիրի բաժնի հնետաքննչական բաժանմունքում նյութեր են նախապատրաստվում օգոստոսի 23-ին Արաբկիր վարչական շրջանում իշխանության ներկայացուցիչներրի նկատմամբ բռնություն գործադրելու փաստով:

Ինչպես հայտնում է Shamshyan.com-ը՝ հղում անելով սեփական աղբյուրներին, այդ օրը՝ ժամը 23:50-ի սահմաններում, ոստիկանության Երևան քաղաքի վարչության ՊՊԾ գնդի 2-րդ գումարտակի 2-րդ վաշտի 2-րդ դասակի ծառայողները ծառայություն իրականացնելու ժամանակ նկատել են, որ 3 քաղաքացիներ վիճաբանում են: Ոստիկանության ծառայողները, մոտենալով նրանց, փորձել են պարզել վիճաբանության պատճառը, որից հետո նրանցից մեկին, ով չի ենթարկվել ոստիկանների օրինական պահանջին, երբ փորձել են նստեցնել պարեկային ավտոմեքենան, մոտեցել են մի խումբ քաղաքացիներ, որոնցից մի քանի հոգին ձեռքերով ու ոտքերով սկսել են հարվածել ոստիկաններին:

Տեսնելով, որ իրենք չեն կարողանում կարգի հրավիրել այդ անձանց, ոստիկաններից մեկը ռադիոկապով օգնություն է կանչել, ու ժամանած Արաբկիրի ոստիկանները իշխանության ներկայացուցչի նկատմամբ բռնություն գործադրելու կասկածանքով Արաբկիրի ոստիկանություն են բերման ենթարկել միք քանի քաղաքացու:

Պարզվել է, որ նշված անձինք են՝ Երևանի բնակիչներ, 30-ամյա Նարեկ Տերզիկյանը, 29-ամյա Բաբկեն Բաղդասարյանը, 32-ամյա Վարդան Մանուկյանը, 33-ամյա Էդգար Բաղդասարյանը, 27-ամյա Դավիթ Ղարիբյանը, 17-ամյա Գեղամ Գ.-ն, 33-ամյա Հայկազ Հայկազյանը և 31-ամյա Հակոբ Պետրոսյանը: Նշված անձանց մեծ մասը մասնակցելիս է եղել ինչ-որ հարսանեկան արարողության, որից հետո արարողությունից դուրս են եկել փողոց և մի կաթիլ մեղրի պատմություն ստեղծել:

Ամբողջությամբ՝ սկզբնաղբյուր լրատվամիջոցում:

Այս թեմայով Դանակահարել են ավտոբուսի վարորդին Երևանում 18-ամյա երիտասարդը բանկում ձևակերպել է ոսկու գրավով վարկ․ ոսկին կեղծ է եղել Էրեբունի-Աթոյան փողոցների խաչմերուկում կոտրել է երթևեկությունը կարգավորող լուսակիրը և հայտնվել երկաթե սյան մոտ Առատ ձյան հետևանքով Սյունիքի Տանձավետ-Աղվանի ճանապարհին 1.5 ժամ է՝ վարորդները չեն կարողանում շարժվել «Ford Transit»-ը ընկել է կամրջից