Ռուսաստանում դեռահասը կացնահարել է ընտանիքի անդամներին
Ռուսաստանի Ուլյանովսկի մարզի Պատրիկեեւո գյուղում հայտնաբերվել են հինգ մարդու դիեր, որոնք սպանվել են կացնի միջոցով: Ինչպես հաղորդում է ՌԵՆ հեռուստաալիքը, նրանք բոլորը միեւնույն ընտանիքի անդամներ էին:
Հեռուստաալիքի տվյալներով՝ հնարավոր մարդասպանը 16-ամյա պատանին է, որի մարմինը հայտնաբերվել է հանցանքի վայրի մերձակայքում: Ռուսաստանի Քննչական կոմիտեում նշել են, որ ենթադրվում է, որ օգոստոսի 18-ի գիշերը հենց նա է սպանել իր մորը, տատին, պապին, եղբորն ու քրոջը, այնուհետեւ ինքնասպանություն գործել:
ՏԱՍՍ գործակալության զրուցակիցը Ուլյանովսկի մարզի դատախազությունում հաստատել է Պատրիկեեւո գյուղում վեց մարդու դիերը հայտնաբերելու փաստը: Նրա խոսքով՝ դեռահասի մարմինը գտնվում էր տնից 500 մ հեռավորության վրա՝ բջջային կապի աշխատարակի հարեւանությամբ:
«Ուլյանովսկայա պրավդա» պարբերականը նշում է, որ սպանություն գործելու որոշման մասին դեռահասը հայտնել էր իր ընկերոջը՝ ուղարկելով նրան ձայնային հաղորդագրություն:
ՏԱՍՍ-ի զրուցակիցը հայտնել է, որ երիտասարդ տղամարդը նաեւ թողել էր նամակ մահից առաջ: Դրանում նա պատմել էր, որ որոշել է ինքնասպանություն գործել: Դեռահասը հարազատների սպանությունը բացատրել էր նրանով, որ չէր ցանկանում , որ «նրանք ունենային ապրումներ իր մահվան կապակցությամբ»:
ՌԻԱ Նովոստի գործակալությանը տված մեկնաբանությունում Ուլյանովսկի մարզի դատախազության ներկայացուցիչն ասել էր, որ դեռահասը, հնարավոր է, տառապում էր շիզոֆրենիայով: Ընդ որում՝ նա նշել էր, որ երիտասարդը գերազանց էր սովորում, մասնակցում էր օլիմպիադաներին եւ վիկտորինաներին, իսկ նրա ընտանիքը համարվում էր բարենպաստ:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...