Ֆերմերը Վայոց ձորի մարզպետի կողմից հետապնդվելուց հետո թողնում է ֆերմերությունը, զբաղվելու է քաղաքականությամբ
Վայոց Ձորի մարզպետ Տրդատ Սարգսյանի կողմից ես հետապնդման եմ ենթարկվում: Այս մասին NEWS.am-ի հետ զրույցում ասաց ֆերմեր Տիգրան Եղոյանը, ում վերջերս հրավիրել էին Եղեգնաձորի ոստիկանություն:
«Ինձանից հետաքրքվում էին, թե իմ կողմից հրապարակված նյութերը որտեղից են, ով է այդ ամբողջ ինֆորմացիան ինձ տվել: Ես տեղեկացել եմ, որ այդ ամենը ուղղորդվում է Վայոց Ձորի մարզպետի կողմից: Ես տեղեկացել եմ, որ մարզպետը իրավապաշտպան Արտակ Գալստյանի եւ իմ դեմ նյութ է նախապատրաստել: Էդ տվյալները, որոնք ես հրապարակել եմ բրուցելոզի մասին միտում ունեն աճելու: Մարզպետը վրեժխնդիր է եղել, որ ես հայտարարել եմ, որ Վայոց Ձորի մարզպետն իր տեղում չէ: Դրա վառ ապացույցն էլ այն է, որ Քարագլուխ համայնքում դեպի արոտավայր տանող ճանապարհը փակել են` թույլ չտալով, որպեսզի ես անասուններին տանեմ արոտավայր:
Ես ստիպված մեքենաներ եմ բերել, որ անասուններին տեղափոխեմ: Նույնը աշնանն է լինելու, երբ անասուներին իջեցնելու լինեմ: Եւս մեկ անգամ հայտարարում եմ, որ այո, Վայոց ձորի մարզպետն իր տեղում չէ եւ ինքն իր լծակները ներդնում է ճնշում գործադրելու համար»,- ասաց ֆերմերը:
Տիգրան Եղոյանը հայտարարեց, որ ինքը չի ընկրկելու եւ ընդհակառակը` պայքարելու է, թողնելու է ֆերմերությունը եւ զբաղվելու է քաղաքականությամբ:
«Տեսնելով մարզում այս աննորմալ վիճակը մոտ օրերս նախապատրաստվում ենք հայտարարել հանրահավաք մարզպետարանի մոտ եւ ընդհուպ հնարավոր է շարժվենք Կառավարություն: Մենք թույլ չենք տա էս վիճակը: Մարզպետը ուղղակի մարզը թողել է անտեր վիճակում: Ես թողնում եմ ֆերմերությունը, եւ որեւէ կուսակցության անդամ չլինելով` ստեղծում եմ ծայրահեղ ազգայնական շարժում, որը կփորձի այս արատավոր երեւույթներին շտապ եւ համապարփակ լուծում տալ»,-ասաց նա:
Ֆերմեր Տիգրան Եղոյանը հավելեց, որ շուտով Վայոց ձորի մարզում ինքը հանդես կգա կոչով, որ ժողովուրդը քաղաքացիական խաղաղ անհնազանդություն ցուցաբերի եւ օրենքի սահմաններում բողոքեն մարզպետի անգործությունը, պահանջեն մարզպետի հրաժարականը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...